[lojban] As promised: Go discussion.

[Robin Lee Powell <lojban-out@lojban.org>]

This is a snippet of a set of serial stories I'm writing, totalling
about 4300 words so far.  A sentient robot is teaching Go to a space
adapted human.

This is un-edited.  "?" denote places where I'm not sure I've done
the right thing.

    ni'o la kelci cu ke'u nai cusku lu xu do cinri lo se kelci li'u
    ju'e lu mi nelci lo nu kelci .i ku'i mi no roi zgana lo se kelci
    poi simsa le ti bliku li'u ju'e lu .ue sei tordu nu denpa gi'e
    ba cisma se'u .ua sai le prekle be fo do cu so'a roi naljunta
    jmive .i mi jimpe .i xu do djica lo nu cilre le se kelci be me'e
    zo .ueitcis.? ca'o lo nu denpa lo cidja li'u ju'e lu go'i li'u

    ni'o la kelci cu cisma gi'e cusku lu .ui ko zgana le mudri bliku
    .i ri ponse pa so sraji linji .e pa so pinta linji .i pa moi
    javni lo rokci sei la kelci cu jarco le xekri jemna se'u cu
    zifre lo nu punji pa rokci lo linji te kruca .i re moi javni
    tu'e? pa prenu cu pilno lo xekri rokci .i  pa drata prenu cu
    pilno lo blabi rokci .i lo xekri prenu cu pa re'u punji .i punji
    porsi pa kelci ce'o lo drata kelci tu'u .i xu do ca'o jimpe li'u

    .i la .darvol. ze'a pensi gi'e cusku lu .ia ku'i ni'o lo se
    kelci be la bloselbe'e cu mutce lo ka to'e simsa .i so'a se
    kelci cu srana lo nu jersi .u'i li'u ju'e lu .ua mutce frica .i
    no'i lo ci moi javni cu srana lo linji poi lamji lo te kruca sei
    la kelci cu punji pa xekri rokci pa te kruca se'u .i le ti rokci
    cu lamji vo linji fi re sraji .e re pinta .i xu do viska li'u
    ju'e lu go'i li'u

    .i la kelci cu cusku lu .ui lo lamji linji cu se cmene zo
    selzi'e? .i ti ponse vo la selzi'e sei la kelci cu punji pa
    blabi rokci lo darno be ky te kruca poi lamji le xekri te kruca
    se'u .i ti ca ponse ci la selzi'e sei la kelci cu punji pa blabi
    rokci lo zunle be fi ky lamji te kruca se'u .i ti ca ponse re la
    selzi'e sei la kelci cu ji'a lamji punji pa blabi rokci se'u .i
    ti ca ponse pa la selzi'e sei ji'a lamji punji pa blabi rokci
    se'u gi'e ca no mei sei la kelci cu lebna le xekri rokci se'u .i
    ci moi javni lo du'u lo rokci poi ponse no la selzi'e cu pe'a
    morsi gi'e se lebna lo drata kelci

    ni'o ko zgana lo kunti te kruca poi sruri lo blabi rokci .i lo
    sruri je kunti te kruca cu se tcita lu pa spisa be lo tutra li'u
    .i ca lo se kelci nu fanmo lo kelci poi ponse lo zmadu be lo
    tutra spisa cu jinga li'u .i la .darvol. cusku lu ta'a ta'i mi
    djuno lo nu lo nu kelci cu fanmo li'u .i la kelci cu spuda fi lu
    lo kelci cu zifre lo nu na zukte .i ca re lo lamji nu na'e zukte
    vau? lo nu kelci cu fanmo .i mi mo'u ciksi lo javni .i ku'i za'a
    sai le sampu javni cu cupra le mutce .i .ua lo cidja cu tolcliva
    li'u


-Robin

-- 
http://www.digitalkingdom.org/~rlpowell/ *** http://www.lojban.org/
Reason #237 To Learn Lojban: "Homonyms: Their Grate!"
Proud Supporter of the Singularity Institute - http://singinst.org/