[lojban] Re: As promised: Go discussion.

[Jorge "Llambías" <jjllambias2000@yahoo.com.ar>]

melbi lisri doi robin i lo jersi ly mi pinka

ni'o pa mai xu do jinvi lo du'u lu ko'a cusku ko'e ju'e ko'i li'u
se smuni lo du'u ge ko'a cusku ko'e gi na'e bo ko'a cusku ko'i

ni'o re mai pe'i lo prenu e lo kagni ka'e ponse i ku'i lo 
nalpre dacti na ka'e ponse i lo bliku na ponse lo linji
i ju'o cu'i lo bliku cu se cpana lo linji 

ni'o ci mai di'e na gendra
>      .i pa moi
>     javni lo rokci sei la kelci cu jarco le xekri jemna se'u cu
>     zifre lo nu punji pa rokci lo linji te kruca .i re moi javni
>     tu'e? pa prenu cu pilno lo xekri rokci .i  pa drata prenu cu
>     pilno lo blabi rokci .i lo xekri prenu cu pa re'u punji .i punji
>     porsi pa kelci ce'o lo drata kelci tu'u 

i e'u lu lo pa moi javni zo'u ca ro nunkelka'u pa kelci cu zifre lo nu
punji pa rokci pa linji te kruca i lo re moi javni zo'u lo xekri fa'u
blabi kelci cu pilno lo xekri fa'u blabi rokci i lo xekri fa'u blabi
kelci cu punji ca lo pa moi fa'u re moi nunkelka'u i dikni krefu li'u

i ba'e ge lo xekri gi lo blabi cu pa re'u punji i ca lo remoi 
nunkelka'u lo blabi kelci cu pa re'u punji

ni'o vo mai e'u lo rokci na ponse lo me la selzi'e i e'u 
lo rokci cu te kalri ja te ganlo lo lamji kruca i lo rokci
ka'e te kalri su'e vo da i lo rokci poi te kalri no da cu
se kavbu

ni'o mumai 
>     .i ca lo se kelci nu fanmo lo kelci poi ponse lo zmadu be lo
>     tutra spisa cu jinga 

i ma zmadu lo tutra spisa i pe'i ca lo fanmo be lo se kelci 
lo kelci poi ke'a zmadu na'e bo ke'a lo ni ponse lo tutra 
spisa cu jinga  

ni'o xa mai
>     .i la .darvol. cusku lu ta'a ta'i mi
>     djuno lo nu lo nu kelci cu fanmo li'u 

i pe'i lu ta'i ma mi djuno lo du'u lo nu kelci ca se fanmo li'u

mu'o mi'e xorxes



		
__________________________________ 
Do you Yahoo!? 
Yahoo! Mail - Helps protect you from nasty viruses. 
http://promotions.yahoo.com/new_mail