Re: coi

["Jorge J. Llambías" <jorge@INTERMEDIA.COM.AR>]

>coi lojbo tcidu
>mi'e bret.
>.i mi ca'o tadni la lojban. .ije mi bazi troci le nu cusku bau ly.

coi bret  i ui i'e do snada le se troci i a'o so'i da do fukpi le nu troci

>ni'o
>.i le nu do mi morji kei cu ca cumki ri'a le nu puzuku mi te xatra fi
>rodo
>.i mi caba'o na xamgu jimpe la lojban. .ije lakne fa lenumi troci lenu
>pilno le dukse pluja gerna .i ba'a mi so'i srera .i pe'usai ko mi sidju
>le drani cusku

i pe'i le do nunpilno cu sampu gi'e pluka i tolvai srera i mu'a
e'u lu ba'a mi so'i srera li'u se basti lu ba'a mi so'ida srera li'u
i ku'i le do se cusku cu frili se jimpe

>ni'o
>.i pa le mi nabmi cu lujvo pilno
>.i mi xamgu djuno le gismu .iku'i mi na djuno so'i le rafsi ni'i le nu
>mi xlali djuno le lujvo .i le vlacku .a'o ba cumki sidju

i ie cumki i ku'i pe'i le traji be le ka sidju cu nu pilno le bangu

>ni'o
>.i mi te pemci .ije la lojban. cu simlu le ckaji be le pemci bangu .i
>ly. cu melbi je cinri .i mi ca na'epu'i pemci ciska bau na'e le glico
>.iku'i lenumiba te pemci bau la lojban. cu cumki

i xamgu i la lojban cu mapti te zbasu loi pemci ki'u le nu na zasti
fa loi tinsa stura tcaci i le te pemci cu zifre le nu finti le pemci
ku joi le bangu i le selsku kujoi le tersku cabysi'u

>ni'o
>.i mi djica le nu mi tavla su'o le tcidu be dei be'o da la lojban.
>.i e'osai mi'o ba casnu .ije e'osai ko sarji la lojban.

i e'e mi'o casnu

>co'o mi'e bret.

co'o mi'e xorxes
to lo xe fanva na se lidne toi