Re: jbopemci

["Jorge J. Llambías" <jorge@INTERMEDIA.COM.AR>]

>coi xorxes.
>ie .e'ucu'i lobybancu za'anai .i la'acu'i la jbotut. cu'e terjimte paunai
>.i lo pemcylarcu nu'o saske binxo fi lenu mo'u pranygau lo velsku ji'e lenu
>zasti fa lo custai poi vasru je ka'ergau ge roda poi ka'e se cusku gi rode
>poi ka'enai se cusku zo'u de se dunda leri kulnu sinxa

coi maikl
i le pemlarcu cu tadji le nu dunda lo kulnu sinxa le ka'enaida'i
se cusku i ri binxo lo ka'e se cusku i na banzu fa lo rolvau custai
le nu daspo le pemlarcu i le terpemci ba'onai se nitcu fi le nu
cu'acpa le jemna to le ziryro'i toi lei fadni rokci gi'e jarco jy le
velpemci

>.ite'i ku'u la ha,ua,ii kuku le mujycmu je rolcfa cu se cmene la darno
>zirpu zo'o .i lenu cusku de fo ti kei genai cfipu gi fadni valsi lo gasycau
>.u lo xanri


i xu do skudji genai zo gasycau gi zo smucau i mi na mulno jimpe
i le nu da se cmene lu darno zirpu li'u na nibli le nu da darno zirpu
i la'o gy Mr. White gy ka'e xekri ije la'o gy Ms. Black gy ka'e blabi

>.i va'i le za'e toljbo farna pe'a cu srana tu'a lo custai be de be'o .enai
>le jimte be lonu ce'u djuno ce'u .i ko'a goi la jbotut. ge plita je'i cukla
>gi carna je'i stali .i le nu'o ranmi befi ko'a fi ma'a ba ciksi

i ko'a cukla naja plita gi'e ka'e stali le ka carna i ua zo'o ko'a simsa
lo zgike velvei i zo'onai ie lei lojbo ranmi ba ciksi fi ma'a i ku'i pu
la'e di'u ma'a ei finti lei lojbo ranmi

>.i di'e se tcita lu banzgu li'u .itu'e
>
> simsa puzuki falenu la kamtei
> co'u vlipa
> co finti lo cnino .ije
> la kambau ca'o sincydzu
> setai le lijgri
>
> bele tilju carce poi litru
> le pavyganra dargu
> .i simsa
> falenu puse cusku
> fa roda .eji'a
>
> leka vrucau .i loi bangu
> di'i canci .i le norbau
> po'o cu mivzenba
> vau .uusai
> .i cerni nu gusni
>
> .ije selsumne lo ricfoi
> pe lei cmana .i la jycybyb.
> cu terpreti fe de poi
> lo remna ke'a djica
> .i nitcu ma
>
> .i di'u zo'u sa
> .i lo verba pu kelci vi le
> korbi bele cinfo skari
> rirxe calenu sruri
> fa lei jmive tarci
>
> poi farlu fi le datytsani
> ni'o ma'a ba salci
> le speritli pe la kamcizra
> .e la kamkli .i ku'i
> pu la'edi'u
>
> ku ba nunjamna vi le cevzda
> ni'o nodi zmadu lo logji
> leka cizra lo remna
> menli .isemu'ibo la
> ranxi cu dunda
>
> fi la jycybyb. fela pruxi
> belo sirji linji
> segau lenu jitro lerixici
> selfinti .i noda ka'e
> zmadu lo nunkli leka
>
> nitcu ja djica
> ce'u falei selcfipu
> .isemu'ibo
> la fetcevni poi jimpe ciksi
> cu dunda fila jycybyb.
>
> fele rotsu derxi
> le ciksi pelji .ije
> xamgu ni'o la prometibab.
> cu lebna lo lojbo fagri
> gi'e dunda ri loi remna
>
> .ije xamgu zmadu ni'o
> ma'a ca'o klacpare fo
> le ve vimcu po'u la bebl.
> i ma'a ca'o sanga le
> kafkyselsanga pe de poi
>
> le dimna danmo cu rairdenmi
> vi ke'a .i ma'a ca'o
> cpedu ge lenu gunma befa
> la cmilycevni .e la
> nunjmitsa fetcevni be'o
>
> binxo kei gi
> le bangu po'o po'unai
> lo le bacterdi ku vidru
>
>tu'u .i lu purdotco lerfu li'u tcita di'e .itu'e
>
> ba lenu galfi fazu'i so'i
> rafsi kei ku
> mi xagmau cinmo tetai lenu
> da poi mo'u
> nu bi'agla ze'u .ije
> de poi simlu
> loi pe mi bi'agla pe'a
> nalsmu selsku
> ku'o ca'a da'inai
> mijyjbo
>
>tu'u .i tcita di'e fa lu datytsani cancybi'e li'u .itu'e
>
> di'inaiku leimi
> pesnunzukte
> klama co jbini ko'a
> goi le'i se vimcu
> .i ricfoi cose viska
> file nu dilmurta
> kei poi blabi
> .ije
> mi lo se vimcu ko'a
> simlu .i lei mi
> pesnunzukte di'inai
> sisku co jbini le'i
> selcri goi ko'e
> .i na penmi
> .i da'i mi lo selcri
> ko'e simlu .i .ei baku
> mi noda cirko ja vimcu
> .i bumru nupre .i ranji
> fi le temci pe lo vaxysenta
> po'u vi lo minra
> .i pesnunzukte jebabo
> nu vrucau .i mi cpedu fi
> ko'a gi'e ko'a
> mutce spuda
> .i dukse spuda
> .i savru
>
>tu'u

i melbi pemci  i ba'a le jboranmi pemci ba bilga se tcidu
ma'i lei ckule be la jbotut

>ni'o ko'a goi lei mi cintypixra ganai mulno sucta ginai pixra zo'e kai
>.i ko'a ku'i jalge lepu'u cuncru je galfi jbimlu ke xanri tarmi .i leica
>pixra cu dukse cizra co'o mi'e maikl.


i cinri i a'o le nunjarco cu zabna co'o mi'e xorxes