Re: jbopemci

["Jorge J. Llambías" <jorge@INTERMEDIA.COM.AR>]

>coi xorxes.
>i .ie zo selbincmi cu dravla .i zo pensi'u go'i
>
>.i lu klakydirgo dargu li'u tcita di'e .itu'e
>
> nunynordimnaxiny.bu
> .i .o'enai runta
> .i cerkemxemklatro co
> mela mibycac.
> .i lajragve ctino
>
> fa le mo'ine'u
> nunkla ku ru'inai
> sekai leika cnino
> minjyvru .i mi rubjme
> le selcni belenu xruti
>
> fi le mitselzva vi le
> plinypluta .i nagu'e
> se morji gi marji zmadu
> .i mocycai gusycro
> ne'i lenu norsanji
>
> lisfle ni'oni'oni'o
> da'i janli .iicai
> .i .o'onai bacru lu doi
> cevypro karcytro li'u
> .ije mi klama di'a
>
>tu'u
>
>ni'o sa'unai mi na'o pilno zo bancu ki'u di'e .itu'e ca'e va'o ko'a goi
>lesu'u da de zo'u da cimnyjbi jenai dunli de keikuku gezu'u leka nalsatci
>logji kei pe ko'e goi lei glico je drata bo rarna bangu ku'o cu nobli lenu
>ko'e dungau da de secu'u ko'a kei gizu'unai leka satci logji kei pe la
>lojban. cu nibli lenu cusku ledu'u ko'a ba'e pevbancu lo bangu kei ji'a
>ba'e ca lesu'u bi'unai bi'unai da de zo'u da .enai de ka'e se skicu bau
>na'e leka sinxa tu'u
>.a'izo'o

i a'idai
i mi pilno zo bancu mu'u di'e i le bolci cu bancu le tricu mi le ka ce'u
zvati makau  i le nu mi viska le bolci cu bancu le nu mi kakne kei
le nu mi zvati ti kei le ka ce'u cumki  i su'o sinxa cu bancu ro bangu
fo le ka ka'e cusku lo sidbo fo ce'u i to mi darlu fi le di'u romoi jufra
toi

>.iseki'ubo genai lo lobypemci nu'onai zasti gi ju'ocu'i fu'epo'o
>ganai vo'a pevjbikla le pe lo gicpemci ku'o ka darjgari pe'a keiku gi vo'a
>binxo co nandu lenu casnu ce'u semu'u lo lojbo fu'o

i mi do na tugni di'u i pe'i le ca'a nu nandu fa le nu casnu
lei lojbo pemci cu se krinu le nu ma'a na certu la lojban
i lo certu be la lojban ba kakne le nu casnu lo lojbo pemci kei
du'i le nu lo certu le le glico cu kakne le nu casnu lo glico pemci
i pe'i la lojban le glibau cu zmadu najenai mleca le ka ka'e cusku
makau fo ce'u

>.i te'i ledo puzi pemci .i'osai cu benji lo pruxi sidbo fu zo pancaucfu .e
>zo tolzvati mu'anai vu'o noi jbosmi zo nitygapru .a zo zasyspo .iju'e lo
>jbopemci cu skebi'o du'o le solrycarfarna pe'a poi toljbo

i te'i ki'a i mi na jimpe le du'u ki'u makau lo pemci cu binxo lo saske
i xu le solrycarfarna poi toljbo cu dukti le farna be le nu carna be le
solri
va'o le zasti munje

>.i lu lu lei gerku pe la sozmast.xipiso'a vau li'u li'u tcita di'e .itu'e
>
> lu mi ru'i zbasu
> la tcadu co jetyjitfa
> noi voizda je kakpyzda
> ku'o lei valsi .e lei
> nalvla .i fe lei subysle
> fi lei taunrango mi galfi
>
> gi'e fanta lenu
> nei .i gasnu mo'u
> .ije na cumki li'u
> pu se cusku ko'a
> vi le ckafybarja
> ko'e noi spuda lu lo
>
> bangu pu co'a zasti
> ra'i le nitcu belenu
> seznatfe kei ca lenu
> lu ko pencu jo na
> pencu li'u ka'enai
> se cusku sepi'o lo sance
>
> po'o li'u .i ni'a
> re klacpare selpli
> poi simjorne fi'o
> jgarau fe'u li sono
> ku'o ku le gapci
> tarmi ka'e se skicu
>
>tu'u

i xamgu i i'u le vanbi mi slabu

> .i to mi na jimpe zo pare'u sei zo re'u .uanai toi

i zo re'u cu cmavo zo roi i lu pare'u li'u cu smuni le nu krefu le fasnu
li pa

>mi pu jarco co gu'e
>cafne ze'a lei nanca poi se tcita ko'i goi li biso'o bi'i li soso'u gi na'e
>cafne ze'i lei nanca pe za'u ko'i

i ki'anai i do puzu pare'u jarco i da pixra ma do i xu loi jvinu
i xu loi prenu i xu loi dacti i xu loi sucta

>ni'o mi to'e morji le nuke le'i citsi cu
>simdukti tu'i ti .e ta vau .i'u co'o mi'e maikl.

i ku'i zo'o lei solrycarfarna cu mitsi'u
i co'o mi'e xorxes