Re: lu mi terpa li'u

["Jorge J. Llambías" <jorge@intermedia.com.ar>]

>From: Steve Furlong <furlos@rpi.edu>
>
>coi rodo

coi stivn 
i mi xenru le nu mi na ka'e pu spuda i mi zgana
no drata terspu

>mi te lisri zo'e lo lu mi terpa li'u goi ko'a lei verba
>bau la lojban  .i ko'a pixra lisri  .i le vi zunle kamju
>cu vasru le'i ve skicu be le'i pixra be'o  .i le vi
>pritu kamju cu vasru le'i nunsnu be le pixra prenu be'o

i oi mi na cpacu lo remei kamju stura i mi cpacu 
lo pamei mixre i oi
 
>.i pe'u ko cikre le nu valsi  .i mi se srana le'i nunsnu
>.jenai mi se srana le'i ve skicu

i mi te pinka lei cusku pagbu

>1 n: doi patfu mi terpa
>
>2 p: ma fanza do doi cmalu nanla
> n: mi terpa .i lo cizda'u cu
> nenri le mi kumfa
>
>3 p: mi'o ba catlu
>
>4 p: no lo cizda'u cu zvati vi

i drani i ku'i lu no cizda'u vi zvati li'u 
cu sapmau

>5 p: ko sipna doi bersa
>
>6 n: .ii
>
>7 n: mi terpa le
> tolci'onimtermakfa

i pe'i zo tolci'onimtermakfa cu clani dukse
i e'u zo maltermakfa

>8 p: .iinai ta tricu .i ta na
> se terpa ko
>
>9 p: ko sipna doi cmalu nanla
>
>10 n: .ii
>
>11  n: mi terpa le mroruxpre

i mi zmanei zo mroru'i i ku'i zo mroruxpre cu drani

>12  p: .iinai ta cmima lo'i
>  selylerfu po do
>
>13 p: ko na terpa .i .u'inai ga'i
> ko sipna
>
>14 c: Boo!
>
>15 p: mi terpa

i xamgu i mi mutce nelci le do lisri

>What is the proper way to say "Boo!" in Lojban?

i xamgu preti i mi na djuno i xu lu uele'o li'u

co'o mi'e xorxes