Re: lu makau li'u

["Jorge J. Llambías" <jorge@intermedia.com.ar>]

la trevyr cusku di'e

>.i le lojbo girna<?> cukta se nenri lo selsku poi simsa befe
>  lu
>     .i mi djuno le du'u la djan cu pu catru makau kei ku
>  li'u...
>
>.i ku'i pe'i ri na mutce logji .i 
>  lu 
>     .i mi djuno da poi le du'u ko'a catru ke'e kei ku 
>  li'u 
>
>pe'ipei??  .i pe'i ri xagmau....

i ri na gendra i xu do skudji lu da poi ko'a catra ke'a li'u

i ku'i da poi ko'a catra ke'a cu prenu 
i lo se djuno na ka'e prenu i lo'e se djuno cu fatci

i da'i do djuno le du'u ko'a catra ko'e
i seki'ubo do djuno le du'u ko'a catra makau
ije do djuno le du'u makau catra ko'e
ije do djuno le du'u makau catra makau
ije do djuno le du'u ko'a mokau ko'e
ije do djuno le du'u makau mokau makau

i lu mi djuno da poi ko'a catra ke'a li'u
cu smuni mintu lu mi djuno ko'e li'u
i ku'i lo prenu ka'e se slabu do gi'enai 
se djuno do

co'o mi'e xorxes