le bruna solri e le mensi lunra

["Jorge J. Llambías" <jorge@intermedia.com.ar>]

Here's a translation of the "Canticle of Brother Sun and
Sister Moon" of St. Francis of Assisi, which someone
asked me to do to possibly include in a chamber opera
that he's composing. I would be very greatful for any
comments and suggestions to improve it. For example,
I'm not really convinced that {do ponse le nunzarsku e
le nunmanci e le nunsi'a e ro nuncesygau} is such
a good translation of  "all praise is Yours, all glory,
all honour and all blessings". Any ideas?
An English version follows the Lojban version.

co'o ki'e mi'e xorxes

----------------------------------------------------------------------------

le selsa'acma pe lei selfi'i

i doi galrai je rolvli je xamgu je nobli do ponse
le nunzarsku e le nunmanci e le nunsi'a e ro nuncesygau
i do po'o doi galrai ra ponse
i no remna cu bazyselva'i le nu cmeba'u do

i ei selzarsku doi mibyselse'u fa do ne fi'o kansa
ro le do selfi'i  i ra'u le nobli bruna solri noi ke'a donri
gi'e te gusni mi'a gau do gi'e melbi gi'e dirce
lo banli selmanci gi'e doi galrai cu sinxa do

i ei selzarsku doi mibyselse'u fa do ne ka'i le mensi lunra
e lei tarci vu'o noi do ke'a tsani zvati finti ja'e le nu tergu'i
gi'e carmi gi'e melbi

i ei selzarsku doi mibyselse'u fa do ne ka'i le bruna brife
e le vacri e le dilnu e le toljusra e ro tcima
noi sepi'o ka'e lei do selfinti do se sarji

i ei selzarsku doi mibyselse'u fa do ne ka'i le mensi djacu
noi se pilno mutce gi'e cumla gi'e dirba gi'e curve

i ei selzarsku doi mibyselse'u fa do ne ka'i le bruna fagri
noi do ke'a tergu'igau le nicte zi'e noi melbi je gekykei
je tolble je tsali

i ei selzarsku doi mibyselse'u fa do ne ka'i le mi'a mensi
no'u le mamta terdi noi ferti je turni mi'a gi'e cupra
loi vrici grute noi kansa lo skacfu xrula joi srasu

i ei selzarsku doi mibyselse'u fa do ne ka'i da poi ke'a
fraxu ki'u le nu prami do kei gi'e se tilju le nu bilma
gi'e selra'u i zandimna le pacna se tilju
ki'u le nu do doi galrai ba dasygau lo nolmapku

i ei selzarsku doi mibyselse'u fa do ne ka'i le mi'a mensi
no'u le xabni nunmorsi noi no jmive remna ke'a ka'e selcri
i uu ro da poi mrobi'o ca le nu ckaji le morsi ka ceirprozu'e
i zandimna ro da poi le nunmorsi ke'a penmi le nu zukte
le do se djica ku'o ki'u le remoi nunmorsi da na ba xlali

i doi ro da ko le mi selse'u cu selzarsku gi'e cesygau
gi'e ckire gi'e selfu co mutce cumla

                                       mi'e frantceskos pe la asisis

----------------------------------------------------------------------------

Canticle of Brother Sun and Sister Moon of St. Francis of Assisi:

Most High, all-powerful, all-good Lord,
All praise is Yours, all glory, all honour and all blessings.
To you alone, Most High, do they belong,
and no mortal lips are worthy to pronounce Your Name.

Praised be You my Lord with all Your creatures,
especially Sir Brother Sun,
Who is the day through whom You give us light.
And he is beautiful and radiant with great splendour,
Of You Most High, he bears the likeness.

Praised be You, my Lord, through Sister Moon and the stars,
In the heavens you have made them bright, precious and fair.

Praised be You, my Lord, through Brothers Wind and Air,
And fair and stormy, all weather's moods,
by which You cherish all that You have made.

Praised be You my Lord through Sister Water,
So useful, humble, precious and pure.

Praised be You my Lord through Brother Fire,
through whom You light the night
and he is beautiful and playful and robust and strong.

Praised be You my Lord through our Sister,
Mother Earth who sustains and governs us,
producing varied fruits with coloured flowers and herbs.

Praise be You my Lord through those who grant pardon
for love of You and bear sickness and trial.
Blessed are those who endure in peace,
By You Most High, they will be crowned.

Praised be You, my Lord through Sister Death,
from whom no-one living can escape.
Woe to those who die in mortal sin!
Blessed are they She finds doing Your Will.
No second death can do them harm.

Praise and bless my Lord and give Him thanks,
And serve Him with great humility.