Re: re: cecla fanta flalu

["Adam Raizen" <araizen@newmail.net>]

de'i li 27/09/99 ti'u li 12:53 la xorxes cusku di'e

> From: "Jorge Llambias" <jjllambias@hotmail.com>
> 
> pe'i lo'e jecta cu sarcu xlali i na zasti fa lo tadji be le nu
> ganzu lo cecmu be'o poi mleca le ka xlali i lei flalu be fu
> le jecta cu xlalymleca lei flalu be fu le tsarai a le ponse be
> le vlirai xarci i je'u le citri be lei jecta cu culno lei nu terpa
> kujoi lei nu pindi kujoi lei nu prenu catra i ku'i le citri be
> lei jecta cu du le citri be lei remna i lei cecmu pe secau
> lo jecta na snada le nu rivbi lei di'u xlali i le jecta cu se pilno
> gi'enai rinka
> 
> ni'o le nu zifre cu xamgu i le nu snura cu xamgu
> i su'oroi le nu da zifre cu fapro le nu de snura i lei cecmu cu
> te flalu le nu makau te sepli le nu da zifre kei le nu de snura
> i pe'i le nu so'i de snura le nu te renro lo danti cu vajni zmadu
> le nu so'u da zifre le nu ponse lo xarci cecla iseki'ubo
> mi zanru lei flalu be le nu fanta le nu cecla ponse
> 
> co'o mi'e xorxes
> 

do sruma le du'u le nu da ponse lo xacyce'a cu nibli le nu le ni 
snura cu jdika .i to'ebo la'e ri drani .i lo'e xacyce'a ponse ka'e 
sezyjaxybandu tu'a loi zergau .i ei ro prenu cu zifre le nu 
sezyjaxybandu .ije go'i sepi'o lo xacyce'a va'o le nu ri sarcu .i ji'a le 
nu xacyce'a ponse cu sarcu le nu bandu le nu zifre ku tu'a loi 
zergau po'onai eji'a tu'a le jecta .i le nu xacyce'a ponse cecmu cu 
nibli le nu zifre cecmu

ni'o to zo jax na se vasru le rafste .i mi jinvi le du'u zo jax rafsi zo 
jai .i xu ri drani toi

co'o mi'e adam


Adam Raizen
araizen@newmail.net
------------------------------------------------------------
"Government is not reason; it is not eloquence; it is force!
Like fire, it is a dangerous servant and a fearful master."
                                         --George Washington