Re: re: cecla fanta flalu

["Jorge Llambias" <jjllambias@hotmail.com>]

la adam cusku di'e

>do sruma le du'u le nu da ponse lo xacyce'a cu nibli le nu le ni
>snura cu jdika .i to'ebo la'e ri drani .i lo'e xacyce'a ponse ka'e
>sezyjaxybandu tu'a loi zergau .i ei ro prenu cu zifre le nu
>sezyjaxybandu .ije go'i sepi'o lo xacyce'a va'o le nu ri sarcu

i ku'i lo'e xacyce'a cu vlipa le nu gunta kei gi'e ruble le nu bandu
i le nu da ponse xy cu ckape so'i de gi'enai mutce sidju da
le nu bandu iseki'ubo le ni snura ca'a jdika

>.i ji'a le
>nu xacyce'a ponse cu sarcu le nu bandu le nu zifre ku tu'a loi
>zergau po'onai eji'a tu'a le jecta .i le nu xacyce'a ponse cecmu cu
>nibli le nu zifre cecmu

i mi se cfipu i pau do stidi le nu le cecmu ji le cmima be le cecmu
cu ei zifre le nu ponse xy i su'o jecta cu jitro loi ratni nejni xarci
i seki'ubo ro prenu cu eipei zifre le nu ponse lo ratnenxa'i
i pe'i na racli i lo'e xacyce'a cu ruble le nu bandu tu'a loi zergau
kei gi'e bletce le nu bandu tu'a le jecta

>ni'o to zo jax na se vasru le rafste .i mi jinvi le du'u zo jax rafsi zo
>jai .i xu ri drani toi

i pe'i zo jaz ji'a pu se pilno

co'o mi'e xorxes