rut pamo'o

[Pierre Abbat <phma@oltronics.net>]

ca'o lei pajni le ka xagji cu kampu lei xabji be le gugde .ije le nanmu
poi xabji la beitlexem di'o la .ie'uDAS ge'u .e le speni be ra .e le re
bersa be ra cu fange klama le foldi poi zvati la mo.AV

.i le nanmu se cmene zo .elimelek .ije le speni se cmene zo na,oMIN .ije
lei re bersa se cmene zo maxLON .e zo kiLION .i ra se lanzu la .efrat gi'e
pu xabji la beitlexem di'o la .ie'uDAS .i ra vitke klama gi'e xabju la
mo.av

ni'o la .elimelek noi speni la na,oMIN cu morsi .ije ri goi ko'a .e le re
bersa cu stali

.i ri speni re ninmu poi xabju la mo.av ge'u poi se cmene zo .orpat .e zo
rut .i lenu xabju cu nanca li ji'i pano

.i ji'a la maxLON .e la kiLION cu morsi .ije le ninmu cu claxu le speni .e
le re bersa

ni'o ko'a vi la mo.AV tirna le nu la jegvon pu zi sarji le ri natmi le ka
xagji lo cidju kei .i la na,oMIN .e le ri be'aspe cu bregau co xrukla fi
la mo.AV

.i ko'a xrukla la ie'uDAS le ko'a zasni zdani le dargu .ije le re be'aspe
cu kansa ko'a

.i la na,oMIN cusku fi le be'aspe lu re ko xrukla le zdani be le do mamta
.i .a'o la jegvon xendo do ki'u le nu do xendo le morsi .e mi

.i .a'o la jegvon rinka le nu rodo facki lo zdani surla lo do speni li'u
.i ko'a cinba le be'aspe .ije ri cladu klaku

.i ri cusku lu mi kansa do le nu klama le do natmi li'u ko'a

.i la na,oMIN cu cusku lu .uinai doi tixnu ko xrukla .i ki'u ma do kansa
mi .i paunai mi xu ba rorci lo bersa poi ba speni do

.i doi tixnu ko xrukla .i mi citme'a le speni binxo .i .a'onai da'i mi ca
speni gi'e rorci re bersa

.i paunai do xu denpa lenu le bersa cu makcu kei le ka nalspeni .i nago'i
doi tixnu .i mi selkurkymau do .iri'abo le xance be la jegvon. cu gunta mi

.i le be'aspe di'a cladu klaku .i la .orpat cu tolrinsa cinba ko'a .iku'i
la rut cu snipa ko'a

.i la na,oMIN cu cusku lu za'a le do spebu'aspe cu xrukla le ri natmi .e
le ri cevni .i ko kansa ra li'u

.i la rut cu dafcusku lu na ko minde mi le nu mi cliva do gi'a xrukla kei
.i .ai.i'i mi kansa do le nu klama .ije mi kansa do le nu stali .i le
natmi be do cu natmi mi .ije le cevni be do cu cevni mi

.i ai.i'i vi lemu'e do mrobi'o kei mi mrobi'o gi'e se derni'agau .i .aicai
noda poi na'e nunmorsi zo'u da tersepli mi do .i.a la jegvon cu jursa
sfasa mi

.i la na,oMIN cu sanji ledu'u la rut .ai cu kansa ko'a .isemu'ibo ko'a
sisti co sa'urmi'e ra

ni'o le re ninmu fe'epu'o klama la beitlexem .i ca lenu ra mo'u klama kei
piro lei tcaxa'u cu cinmo fi ra .ije le ninmu cu cusku lu .ui.ianai la
na,oMIN zvati li'u

.i ko'a cusku lu .uinai ko cmerinsa mi zo na'oMIN na.e zo maRAT .imu'ibo
la caDAIS cu gasnu lenu leli'i mi jmive kei cu kurki

.i mi mulno ca lenu mi cliva .iku'i mi kunti ca lenu la jegvon. cu xruti
mi .i .a'onai ko na cmerinsa mi zo na,oMIN .i la jegvon cu raktu mi .i la
caDAIS cu malfu'agau fi mi

.i la na,oMIN ce la rut noi se natmrmo'avi ge'u noi be'aspe ko'a cu xrukla
la beitlexem la mo.AV mo'u lenu co'a crepu loi bavmi