RE: Beatles (was: RE: [lojban] Three more issues)

[And Rosta <arosta@uclan.ac.uk>]

te cusku di'e la xorxes:
#cusku fa la and di'e
#>la xorxes di'e cusku:
#>
#> > i mi senpi le du'u lu gunma be su'o re broda li'u drani
#>
#>ma krinu le senpi?
#
#i ia tu'a lei mi rirni cu krinu mi

le senpi ku du lu'o ro me do be ca le nu do senpi pe'i i se ni'i bo 
krinu ga le senpi gi nu'i na ku ga do gi le nu do senpi

#i pe'i ro gunma cu gunma pa da i lo gunma be su'o re broda na zasti

pei zasti ku'i fa lo gunma be lu'o su'o re broda xu

i zo gunma cmima lo'i so'i ge valsi be fi loi jbobau gi bebna

#> > i ro da poi ke'a gunma ge'u ro de poi ke'a cmima da zo'u
#> > xu da gunma de
#>
#>mi na djuno i ku'i pe'i le do zabna preti le mi pu xusra na srana
#
#i le do se xusra cu nibli le du'u ro gunma cu gunma ro cmima be ri

co'a ca se jimpe

#> > i pe'i na go'i i pe'i zo gunma na mintu zo selcmi
#>
#>na mintu i ja'a simsa i ro gunma cu selcmi
#
#i mi pensi le remoi tersumti

na se jimpe mi

#> > i pe'i ko'a joi ko'e gunma ko'a joi ko'e
#>
#>xu ro da ro de zo'u go da de gunma gi da du de?
#
#i na go'i i mu'a li pa li pa du gi'enai gunma
#i ku'i pe'i ja'aku roda rode zo'u ganai da de gunma gi da de du

go'i i mi pu srera i do drani

#> > i lei ci prenu cu gunma piro lu'o le ci prenu
#>
#>i se ni'i bo ge pi ro lu'o le ci prenu cu gunma lei ci prenu
#>gi ge lei ci prenu cu gunma lu'o le ci prenu gi ro da ro de
#>zo'u go da de gunma gi da du de
#
#i na go'i i le pamoi e le remoi cu jetnu i le cimoi na go'i
#
#>oi du'e da te renvi fi le nu mi zbasu lei dei jufra
#
#i e'e i frili fa le nu jimpe

frili se jimpe gi'e ku'i nibli loi du'u mi du'e valsi le vlaste ku za'e preti zei sisku

(za'e preti zei sisku = x1 searches for x2 in location x3)

--And.