Re: [lojban] Are attitudinals assertions? (was: Attitudinals again (was: Sapir-Whorf Hypothesis

["Jorge Llambias" <jjllambias@hotmail.com>]

la xod di'e cusku

> la'e di'u selsmuni le du'u le kambridi cu sarcu le kamselxu'a

i drani i sarcu

> li'acai zo ui cmavo gi'e na bridi .i ko'a na nibli le du'u
> zo ui na ba'e smuni mintu lu mi gleki li'u

i zo ui lu mi gleki li'u mutce simsa le ka smuni
i ku'i na mintu i ge zo ui gi lu mi gleki li'u ka'e
se pilno fi le nu jarco le nu le tavla cu gleki
i ku'i le nu jarco na mintu le nu xusra i xu do jinvi
le du'u zo jarco cu mintu zo xusra

> .i ja'o ro le seldarlu be ji'u
> le si'o kamselxu'a be'o ka'enai sidju

i la'e di'u cizra i le ralju te frica be zo ui bei lu mi gleki
li'u cu srana le du'u xukau se xusra

> > i roda poi prenu rode poi bridi zo'u ganai da de
> > xusra gi da sarji je benji le sidbo be le du'u de jetnu
>
> la'e di'u selsmuni le du'u le kambridi cu na sarcu le kamselxu'a

i na go'i i e'o ko rere'u tcidu

> .i ru'a mi xusra zo ui

i li'a mi do frica le ka jimpe le du'u makau smuni zo xusra

> pe'ipei le kamcfipu cu sidju le ka zumdarlu fanmo

i su'oroi go'i i le nu so'iroi troci je fliba le nu ciksi da
ka'e se jalge le nu sisti le nu darlu

mu'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.