[lojban] Re: zo ninmu joi zo nanmu

["Jorge Llambías" <jjllambias@gmail.com>]

2008/3/25 Daniel Brockman <daniel@brockman.se>:
>
> coi ro do

coi daniel

> .i ta'o mi pu no roi cusku fo ti vau .o'u nai ro'u .ii ro'u

i xamgu krefu be fi li pa

> ni'o ta'o nai .ai mi casnu zo ninmu joi zo nanmu .i pe'i ri na banzu lo nu
> satci skicu lo prenu .i sa'e mu'a so'o prenu cu no'e ninmu gi'e no'e nanmu
> .i je mu'a cu'i so'o prenu cu je'a ninmu joi je'a nanmu .i mu'a nai sa'u da
> ka'e ge ninmu gi nanmu

.i ku'i do ja'a snada lo nu skicu lo tai prenu se pi'o zo ninmu joi zo nanmu

> ni'o se ki'u bo mi stidi di'e .i lo ninmu ja nanmu cu ninmu ja nanmu ba'e da
> poi selkai ge'u .i mu'a mi nanmu so'e da gi'u ku'i ninmu lo ka clani kerfa
> ce'u .i ra'u mi nanmu .i ra'u nai mi ninmu so'u da .i so'a prenu cu ninmu je
> nanmu

.i ka'e cusku lu mi nanmu se kai lo ka clani kerfa li'u .a lu mi se kerfa
lo clani tai lo ninmu li'u

> ni'o ta'o cinri fa lo du'u zo fetsi .e zo nakni cu xamgu .i sa'e lo fetsi be
> lo remselda'u cu fetsi fi lo selkai .i na fetsi fi zi'o .i pe'i zo ninmu
> ba'e zmadu lo ka nitcu lo selkai tergi'u be fi ce'u .i pe'i ru'e lo fetsi cu
> fetsi fi zi'o .i ta'o mu'a xu mi fetsi to mi nakni nanmu toi

.i mu'a su'o nanmu cu fetsi fi lo ka dasni

> ni'o ba'u ju'o cu'i zo ninmu .e zo nanmu zo'u nitcu lo ci moi tergi'u poi
> srana lo simsa be lo se melbi .a lo ve melbi .i mi na birti .i cumki fa lo
> nu nitcu lo simsa be ge lo se melbi gi lo ve melbi .i mu'a to xlali mupli
> .u'u toi mi nanmu lo ka sampla kei so'i da lo mi'o kulnu .i je ku'i lo
> sampla ba'e na nanmu fo so'i kulnu .i lo nanmu cu tsali gi'e kalte .i ku'i
> li'a fo lo drata kulnu fa lo kalte cu ninmu
>
> ni'o ma se jinvi do

.i e'u ko pilno zo remnakni joi zo remfetsi lo nu cusku lo smuni
poi do djica .i ji'a ka'e pilno zo ma'i lo nu jmina lo manri tergi'u

mu'o mi'e xorxes


To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.