[lojban] vrici

[Stela Selckiku <selckiku@gmail.com>]

doi ro lobypli

i mi gleki lo nu do tadni
i mi gleki lo nu do sarji
i mi gleki lo nu do pilno
i a'o lojbo snada

ni'o doi la camgusmis

i'e i'o do mriste gunka ki'e
i ui lo mriste cu zenba lo ka plixau e lo ka se pilno
i ze'u a'o xamgu

ni'o ta'o to ji'a doi cy toi mi mutce lo ka tugni do fo by py fy ky goi ko'a
i ei ko'a vlipa i ei ko'a kakne i ei ko'a ba'e fuzme i la lojban zenba
da'i lo ka plixau

ni'o doi ro do

mi nelci lo nu la lojban cu mriste se pilno
i ma'a za'a tavla fo la lojban ca lo nu cusku fo la irc
i ku'i lo mriste cu cafne glico ve cusku
i mi djica lo nu lojbo cusku tavla

i lo nu glico darlu zo'u steba
i je ku'i lo nu lojbo darlu zo'u cilre

ni'o doi lojbo ve skina lo cnino cu skina fi mi
i zoi url http://www.youtube.com/watch?v=b-_e60u_c7M url judri lo go'i
i mutce lo ka tordu i mi ba zi ai finti lo zmadu clani
i ai mi finti so'i da poi lojbo skina i va'i ai lo so'i mei cu skina
fi mi fo do
i lo cnino noi skami zi'e noi mi ponse cu na'e xamgu skina bo vreji bo tutci
i ku'i mi pilno lo drata kacma ai gi'e benji
i ai skina so'i na'e vajni
i je lo nu baupli e nai lo nu cusku lo vajni cu mukti lo nu skina kei mi

ni'o doi ro da a'o xamgu ma'a
i lo melbi ko li'i cerni i ko ko kurji

i e'o sai bu'o cu'i do sarji

mi'e la stela selckiku
mu'o

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.