Re: le ti'icki pe la sapir.e la worf. [was Re: talsa]

[Robin Turner <robin@bilkent.edu.tr>]

la xorxes cusku di'e

> la robin cusku di'e
>
> >> >.a'u.u'i do tadni la lojban. mu'i mo
> >>
> >> i le nu la lojban cu se gerna lo saptce cu mukti le nu mi ly tadni
> >
> >pe'i le lojbygerna na saptce .i ku'i lego'i cu melbi le ka satci je rolpre
>
> i na frili le nu merli lo gerna fo le ka sampu iku'i pe'i le jbogerna
> cu mutce zmadu lei rarbau gerna le ka sampu

ba'unai .i lo ro runbau cu zmadu lo ro rarbau le ka smapu .iku'i le jbogerna cu
mleca piso'a lo runbau gerna le ka sampu

> i pe'i ji'a
> le ca'a jbogerna cu mleca le nu'o jbogerna le ka sampu
> i a'o ma'a ra sapyzengau ba le mumna'a stodi
>

.ie

>
> i ta'o ma smuni le nu lo gerna cu rolpre
> i xu le nu ro prenu ka'e certu gy
> i xu le gligerna mu'a cu rolpre
>

ki'a gy
.i le gligerna na rolpre .i le jbogerna cu mutce zmadu lei rarbau le ka rolpre
ki'u le jbocusku cu ka'e cuxna le gerna poi se djica ge'u lo'i jbogerna .imu'a
lo'e temci valsi goi ko'a so'imei lo cmavo .iku'i ko'a se cusku bainai .ipe'i
piso'a lo runbau goi ko'e na'e rolpre ri'a le nu le gerna po'e ko'e na'e zifre
.seri'abo lo'e runbau gerna cu simsa pa le rarbau gerna

co'o mi'e robin.