Re: le ti'icki pe la sapir.e la worf. [was Re: talsa]

["Jorge J. Llambías" <jorge@intermedia.com.ar>]

la robin cusku di'e
>ba'unai .i lo ro runbau cu zmadu lo ro rarbau le ka smapu .iku'i le
jbogerna cu
>mleca piso'a lo runbau gerna le ka sampu

i mi na se slabu lo se pilno runbau poi ke'a zmadu la lojban le ka
le gerna be ce'u cu sampu i ma mupli

>> i a'o ma'a ra sapyzengau ba le mumna'a stodi
>.ie

i u'i a'o la lojbab na tcidu dei i ly na ba nelci

>> i ta'o ma smuni le nu lo gerna cu rolpre
>> i xu le nu ro prenu ka'e certu gy
>> i xu le gligerna mu'a cu rolpre
>
>ki'a gy

i ta'o ma smuni le nu lo gerna goi ko'a cu rolpre
i xu le nu ro prenu ka'e certu ko'a

>.i le gligerna na rolpre .i le jbogerna cu mutce zmadu lei rarbau le ka
rolpre
>ki'u le jbocusku cu ka'e cuxna le gerna poi se djica ge'u lo'i jbogerna

i pe'i le jbogerna cu pamei i ie le cusku ka'e pilno lo pagbu be le gerna
i ku'i le te cusku cu pagbu le nunsku gi'e nitcu le nu se slabu piro le
gerna

>.imu'a
>lo'e temci valsi goi ko'a so'imei lo cmavo .iku'i ko'a se cusku bainai
.ipe'i
>piso'a lo runbau goi ko'e na'e rolpre ri'a le nu le gerna po'e ko'e na'e
zifre
>.seri'abo lo'e runbau gerna cu simsa pa le rarbau gerna

i pe'i lo gerna na ka'e zifre i ro gerna cu stura i ka'e sampu ja pluja
i pe'i lo gerna cu sampu va'o le nu se frili le nu ciksi gy

co'o mi'e xorxes