Re: [lojban] Translation needed

["Adam Raizen" <araizen@newmail.net>]

From: "Adam Raizen" <araizen@newmail.net>

Here is the complete text posted thus far. I made some minor 
changes and deleted all the dots so that it would be consistent. 
Does anyone have any other comments or is this the final version?

nunxagji fatci

ni'o pamai ca ro djedi ji'i revoki'o prenu cu mrobi'o ri'a le nu xagji a 
le xagjyki'i rinka i ji'i cimuki'o prenu pu go'i za lo nanca be li pano 
ije ji'i vopaki'o prenu pu go'i za lo nanca be li reno i pizemu lei 
mrobi'o cu verba lo nanca be li me'imu

ni'o remai caku pipano loi verba pe tu'i lo farvi gugde cu mrobi'o pu 
le nu verba lo nanca be li me'imu i pirebi vy pu go'i za lo nanca li 
muno

ni'o cimai lei nu djacau kujoi lei nu jamna cu rinka so'u panoce'i lei 
xagji nu mrobi'o i ku'i ri cu piso'eroi se sanji i so'e le xagji nu 
mrobi'o cu se rinka le nu ru'i se xladja ibo le lanzu na kakne le nu 
cpacu pirau loi cidja i la'e di'u se rinka le nu pindi mutce

ni'o vomai le nu mrobi'o bi'unai po'onai e le nu selzu'i viska e le nu 
ta'irdu'e e le nu seldicra banro e le nu mutce zenba fa le nu bilma 
kakne cu se rinka le nu ru'i se xladja i lei mutce se xladja prenu na 
kakne le nu tolpo'u lo sampu ji'a 

ni'o mumai mresmadi le'i xagji joi se xladja pe vi le munje li ji'i 
binonoki'oki'o noi xecto le selylai be lei prenu poi ca ro nanca ca'a 
mrobi'o ri'a le nu xagji joi se xladja

ni'o xamai so'iroiku so'u sampu selsabji cu banzu le nu lei pindi 
ka'e banrygau lo cidja noi banzu le nu py binxo lo se'isra i lei di'u 
selsabji cu selcmi loi xamgu tsiju e loi mapti tutci e lo nu ka'e 
cpacu lo djacu i loi cmalu nu xagze'a fa loi cange tadji e loi cidja 
sorcu tadji cu sidju ji'a

ni'o zemai so'i nunxagji certu cu jinvi le du'u le vajrai cu du'u le 
xagrai co tadji be le nu jdikygau le nu xagji cu nu pilno le nu ctugau 
i lei selctu cu xagrai co kakne le nu sisti le pu'u pindi poi rinka le 
nu xagji

ni'o di'e liste le'i xusra le jufygri
i pamai zoizoi The Hunger Project, United Nations zoi
i remai zoizoi CARE zoi
i cimai zoizoi The Institute for Food and Development Policy zoi
i vomai zoizoi United Nations World Food Program (WFP) zoi
i mumai zoizoi Food and Agriculture Organization of the United 
Nations (FAO) zoi
i xamai zoizoi Oxfam zoi
i zemai zoizoi United Nations Children's Fund (UNICEF) zoi

To unsubscribe, send mail to lojban-unsubscribe@onelist.com