Re: mine, thine, hisn, hern, itsn ourn, yourn and theirn (was[lojban] si'o)

["Jorge Llambias" <jjllambias@hotmail.com>]

la nitcion cusku di'e

> .i do na se fanta la'edi'u .i ji'a .io mi na se fanta lenu jinvi ledu'u
> ledo se facki cu to'e melbi gi'e jai cfipa

i li'a do zifre le nu jinvi i je'u mi mutce le ka gleki le nu do
jinvi i ku'i ji'a li'a mi do na tugni le du'u zo moi tolmelbi i
le du'u cfipa zo'u xu za'o cfipa ba le nu ciksi

> .i do djica lenu mi pensi ledu'u loi prenu poi ka'e se steci da cu simsa
> loi namcu .i mi ca lenu tcidu lu mi moi li'u na pensi ledu'u la xorxes.
> xamgu finti

i pe'i do dukse le ka sranygau zo moi loi namcu i zo moi zo'u
lei namcu na se steci le ka srana i le porsi smuni cu se krasi
lei namcu enai zo moi

> .i mi pensi la'elu ".i mi jimpe le se smuni
>
> .i ku'i cizra tadji be le nu  cusku la'elu zu'i pe mi li'u
>
> .i cusku zo moi  .i ku'i le si'o tu'omoi cu nibli ledu'u tu'omoi fi ce'u

i mu'a ti memimoi lei stizu le ka stuzi ce'u i ta memimoi
fi le ka ponse ce'u

> .i le ka tu'omoi fi ce'u cu nibli leka pa namcu lidne lo drata namcu

i na go'i i lei namcu cu porsi i zo moi srana le si'o srana

> .i la .alis lidne le nolninmu ma pe lu .i la
> .alis jgari le me la noninmu moi li'u li'u"

i ki'a i la alis na me la nolninmu moi i ko'a me la nolni'u moi
fi le ka ce'u xance

> .i mi ca na pensi la .alis .i mi ca pensi le ka la .alis. cu simsa lo
> namcu lo ka ce'u lidne noi cfipu --- gi'enai jundi le lisri

i ju'ocu'i la'e di'u se krinu le nu le nunpilno cu cnino do
i e'u ko za'ure'u pensi le te ckini be zo moi bei loi namcu

> .i semu'ibo mi na ka'e zanru

i do zifre la'e di'u

> .i lenu snada se jimpe cusku lo lisri bau la lojban. cu pe'isai zmadu lenu
> nalslabu skutadji finti cusku lo lisri bau la lojban. leni vajni

i le nu glico ja drata simsa cu zengau le selsku le ka frili jimpe
i mi se vajni loi drata

> .i mupli pe'i lenu snada se jimpe cusku gi'e ji'a larcu cusku fa la lisri
> pe le serti ge'u pe la .iVAN.

i mi ji'a nelci

> Part of my objection, actually, is that this use of {moi} turns up in
> Alice. xorxes, you've done much enviable work in Alice, including the
> rimes. But this {moi}... I'm sorry, it's just too distracting.

Only until you get used to it. Most things in Lojban are distracting
the first time you see them.

> It's "haha,
> aren't I clever", in the middle of a quite pedestrian passage of Alice
> taking the Duchess hand-in-hand, and I think it backfires.

I didn't mean it like that. I meant it to become a standard way
of saying "mine", "yours", etc.

> .i la'edi'u cu li'a se jinvi mi gi'e se vamji le ba'o se pleji be do bei
> vo'a
>
> (Yeah, yeah, you know what that means. :-)

i mi te vamji le do se jinvi lo mutce i ji'a mi do tugni so'ida
i ku'i ji'a mi nelci le nu toltugni bau la lojban

mu'o mi'e xorxes



_________________________________________________________________
Get your FREE download of MSN Explorer at http://explorer.msn.com/intl.asp