Articles of faith In Lojban
1. mi’a krici lo du’u zasti fa la cevni no’u le cimni patfu
ge’u e le ri bersa no’u la iezus kristos ge’u e le censa ruxpre
2. mi’a krici lo du’u lo prenu cu ba selsfa fi lo ri madzei
enai lo la adam nu naltinbe
3. mi’a krici lo du’u lo po’o la Kristos nunmadzeile’i cu tadji
lo nu ro remna se ruxnu’a lo ri tinbe be lo ro xisterctu ke flalu joi ritli ke’e
4. mi’a krici lo du’u lo nunkri fi lo nolraitru no’u la
iezus kristos ge’u ku ce’o lo nunmadxagtik ce’o lo nunjir tezu’e lo nu selfax
lo madzei ku ku ce’o lo nu punji lo xance tezu’e tu’a lo seldu’a po’u lo nu censa
ruxpre kansa lu’u ku pamoi lo xisterctu ke jicmu joi ritli ke’e
5. mi’a krici lo du’u lo nu nanmu ku selmi’e la cevni cu
sarcu lo nu ctuca fo lo xisterctu ku e nu catni lo ri ritli ku lo nu cevdatni
terdu’a e nu punji be lo xance be lo catni
6. mi’a krici lo du’u lo cabdei xi’ojdagri cu mintu lo laldo
djedi xi’ojdagri lo za’i ponse lo mintu selca’i po’u lo xisraibortinbe ce lo cevka’i
ce lo kurji ce lo ruxctu ce lo ruxkamjundu’a ce zo’e
7. mi’a krici lo du’u zasti fa lo ruxstati po’u lo ka
banstati ce lo ka bavju’o ce lo nu cevdatni terdu’a ce lo nu ruxvi’a ce lo nu ka’orgau
ce zo’e
8. mi’a krici lo du’u la biblos. cu selsku la cevni kei du’i
lo jei ra drani xelfanva .i mi’a krici ji’a lo du’u lo cukta be fi la mormon.
cu selsku la cevni
9. mi’a krici lo ro ba’o je ca ca’o te fa’irgau be fi la
cevni be’o e lo du’u ri ba fa’irgau fi lo so’i banli je vajni lo ra seltru
10. mi’a krici lo du’u lai isreil cu jmaji e lo du’u lo pano
lanzu cu selxru e lo du’u la zaiyn no’u la poi remoi djerusalem ge’u cu ba
selzba ne’i lo merko tumla kei e lo du’u la kristos cu ba turni bu’u lo terdi
kei e lo du’u lo terdi cu selxru lo za’i cnino je panpi
11. mi’a posxu’a lo krali be fa lo nu jdase’u be la cevni ku
ca’i lo mi’a selmarde gi’e curmi lo nu lo ro prenu ku smiselkrali lo nu jdase’u
lo ri selcu’a ri bu’u lo py selcu’a
12. mi’a krici lo du’u ma’a dejni lo nu ma’a tinbe ku lo
turni e lo flalu
13. mi’a krici lo du’u vrude fa lo nu stace ce lo nu
selylacka’e ce lo nu cinvu’e ce lo nu xendo ce lo nu gasnu be lo nu xamgu .i
mi’a minde lo la pal nu stidi .i va’i mi’a krici lo ro xamgu gi’e pacna ri .i
mi’a pu renvi lo so’i raktu gi’e ba renvi lo ro a’o mi’a raktu .i mi’a sisku
tu’a lo ro vrude ce ro melbi ce ro vrude gubykai