Re: [lojban] jikca casnu

[Luke Bergen <lukeabergen@gmail.com>]

.u'i .i mi me so'u valsi prenu .ija'ebo mi na clani cusku to ca lo nu mi samymri famgau kei mi tcidu di'u gi'e cmila toi .iku'i li'o

ni'o coi selkik joi jbopre .i mi je'u se rirni lo rorci be mi .i tu'a mi nanca li reci .i lo speni be mi .e mi cu cnino xabju bu'u la tcelmsford.masytcusets .ije mi'a gleki

ni'o mi briju gunka lo nu sampla .yyy to pensi toi .ua .i mi'a na se rirni .iku'i mi platu lo nu ca lo nu go'i kei mi mulno jbosku ctuca lo verba .i .a'o ri nelci .iku'i va'o lo nu na go'i kei mi sisti

ni'o preti .i doi selkik do gunka ma lo nu jmive kei .e lo nu zanfri to pau lo ta jufra me lo re preti ku ji lo pa preti .i .ai mi cusku lo re preti be fa lu do gunka ma lo nu jmive .ije go'i fi lo nu zanfri li'u toi

.i mi no'e birti lo nu zasti fa lo cevni kei .iku'i lo rirni be mi cu tcetcetce ba'e mutce birti .iva'i ri xriso pe'a cmupre to malgli .i mi djica lo nu cusku la'oi .fyndymentylist. toi .iku'i ri na djuno lo nu mi na krici .ije la'e di'u cu badri .iku'i mi na nelci lo nu mi se fanza gi'e driri'a .oi

ni'o mi .yyyy to .oi na zasti fa lo valsi poi se smuni zoi .gy vacation .gy toi me la'oi .vacation. bu'u la djersi.cor.  .i mi pe'a na kakne lo nu denpa to .u'u malgli toi

ni'o mi tatpi

co'o mi'e .cribe. mu'o

On Sun, Sep 5, 2010 at 12:03 AM, Stela Selckiku <selckiku@gmail.com> wrote:

coi jbopre .i .ai mi cusku lo no'e vajni .i mi xanka .i ba'u ko na
tcidu .i lo nu mi samymri cu cinri du'e .ia jbopre .i mi cizra djica
lo za'i no ba'u da tcidu lo se samymri be mi .i simsa lo nu tsina
tavla .i mi djica lo nu rarna jikca casnu .i ku'i nandu .i pe'a na'e
porpi bisli to .u'u malgli toi .i pe'a cando smaji denpa lo pa moi nu
cusku

ni'o mi casnu so'i da .ei .i do doi jbopre cu djuno mo'a da mi .i mi
mi mo'a roi casnu .i do do si'a go'i .i .ei jikca .i pe'a ma'a nenri
lo cmalu kumfa gi'e ku'i na'e ke simxu catlu .i ma'a jundi lo gerna .i
cinri je'u gerna .i ku'i ma'a ji'a ma'a cinri

ni'o casnu mi .i .y. mi zutse lo stizu .i mi remna .i .ei zmadu lo ka
satci .i .y. mi zutse lo stizu poi lo rorci be mi cu ponse ke'a .i lo
rorci be mi cu rirni ji'a mi .i xu lo rorci be do cu rirni do .a'u .i
la ckiku mu'a cu se rirni lo mamtymamta .e lo mamtypatfu .i ko'a goi
lo rorci je rirni be mi cu ponse so'i mlatu .e re gerku .i ko'a ca
litru .i lo gerku cu kansa ko'a .i ku'i lo mlatu cu kansa mi lo nu
zdani be ko'a zvati .i mi sidju kurji

ni'o .e'a preti ro da do mi .i mi kufra nelci lo nu preti .i mi kakne
lo nu na'e spuda kei lo nu na'e djica .i ku'i mi spuda .ia so'a preti
.i pe'a mi kalri .i mi za'e karcni to kalri zei cinmo toi .i xu do
karcni .i .e'a pei preti fi mi fo do .i mi kucli ro do

ni'o mi xanka fi lo nu ranji cusku kei fe lo nu so'i ba'u nintadni cu
nandu masno tcidu .i mi cusku lu ko na tcidu li'u do .i le'o zo'o mu'i
ma do tcidu .i ko tcidu lo jbofi'a to lojbo zei cfika toi noi zmadu lo
ka vajni .i je'u zo'o nai mi cusku lo simsa .ai ca so'a ba'u djedi .i
ba'a zenba lo ka cinmo frili

ni'o doi jbopre noi vajni mi
ki'e tcidu do dukse lo ka xendo
mi'e la stela selckiku
mu'o

--
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.

For more options, visit this group at http://groups.google.com/group/lojban?hl=en.