Re: [lojban] jikca casnu

[Stela Selckiku <selckiku@gmail.com>]

de'i 2010/9/5 la'o .gy. Luke Bergen <lukeabergen@gmail.com> .gy. no'u
la cribe cu cusku lu li'o
> ni'o coi selkik joi jbopre
li'u

coi pendo

.i lu li'o
> .i tu'a mi nanca li reci
li'u

.i lo nu mi jmive cu nanca li ci no .i mi do zmadu doi verba zo'o

.i lu
> .i lo speni be mi .e mi cu cnino xabju bu'u la tcelmsford.masytcusets
> .ije mi'a gleki
li'u

.ui dai .i mi pu zvati .i melbi .ie pei .i ricfoi to tricu zei foldi
toi .i mi ze'u xabju la .masytcusets. noi lo rirni be mi cu xabju .i
mi ca xabju la .vermont. .i ku'i mi ca nenri my. .i mi rirni zdani
zvati la'o .gy. Medford .gy.

.i lu
> ni'o mi briju gunka lo nu sampla
li'u

.ue nai .i so'i ka'u jbopre cu sampla .i gerna simsa .i mi ji'a sampla
.i ku'i mi no roi sampla se jibri .i mi na'e banzu kakne .i ju'o cu'i
mi ba banzu .ai

.i lu li'o
> mi'a na se rirni .iku'i mi platu lo nu ca lo nu go'i kei mi mulno jbosku
> ctuca lo verba .i .a'o ri nelci .iku'i va'o lo nu na go'i kei mi sisti
li'u

.i pe'i lakne nelci .i la .lojban. cu drata la .klingon. .i da'i lo
cifnu cu nelci lo cmavo be lo selma'o be zo .ui .ui .i mi finti so'i
za'e jbove'aselsa'a to lojbo zei verba zei se zei sanga toi .i xu do
nelci lo nu do sanga

.i lu
> ni'o preti .i doi selkik do gunka ma lo nu jmive kei .e lo nu zanfri
li'o li'u

.i no da mi ca jibri .i mi pu se jibri lo nu zbasu lo nilce lo mudri
.i mi cinmo nelci .i je ku'i dukse nandu .i mi na'e birti lo du'u ma
kau .ei mi jibri .i ju'o cu'i mi sampla .i .au mi jdini ctuca fo la
.lojban. zo'o sai

ni'o mi cusku sisti .i mi banzu clani samymri .i ju'o cu'i dukse .u'u
.i ku'i .i'e .u'a dai do za'e tcecli to mutce zei cilre toi doi tcidu

mi'e la stela selckiku
mu'o

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.