Re: [lojban] la za'e filjvocedra (The Age of Easy Lujvo)

[Jorge Llambías <jjllambias@gmail.com>]

On Fri, Oct 1, 2010 at 11:34 AM, Stela Selckiku <selckiku@gmail.com> wrote:
>
> .a'i ro'e .i lu mutce lo ka broda li'u cu ve ciksi zo tcebroda ji'a
> li'a .i la'a lo di'u nu ciksi cu na'e mansa do

.i na mulno mansa .i mi kanpe lo nu lu broda lo ka brode li'u cu binxo
lu brode zei broda li'u .e nai lu broda zei brode li'u

>.i ku'i so'i jbopre cu
> mutce cafne cusku lo simsa be lo'u mutce broda le'u .e zo tcebroda .i
> .ia racli

.i ie cafne cusku .i pe'i milxe malglico .i ki'u ma no da cusku zo
zmabroda .a zo rairbroda .i xu srana lo nu lo glibau cu pilno lo
vlafa'o lo nu sinxa zo zmadu .e zo traji .e nai zo mutce to ta'o lo
sanbau cu fatne .i pilno lo vlafa'o lo nu sinxa zo mutce .e nai zo
zmadu .a bo zo traji toi

>.i mi troci lo nu zmadu ciksi kei noi nandu .i lo tertau cu
> ralju .i lo go'i cu se jalge lo bridi stura .i lo nu pilno zo mutce lo
> tertau cu krinu lo nu lo stura cu mleca satci

.i mi'o casnu lo lujvo .e nai lo tanru .i lo tanru po'u lu mutce broda
li'u na mutce fanza mi .i mi so'i roi ja'a pilno

> .i traji djica lo nu
> xusra lo du'u broda .i lo nu xusra lo du'u mutce cu mleca lo ka vajni
> .i lo nu jvofi'i cu simsa .i lo jvofi'i cu djica lo nu lo se finti cu
> lujvo lo filterjmi drani .i mu'i lujvo fo lo tanru be ba'e fi lo traji
> vajni

.i pau do zmanei zo raicla ji zo clarai .i mi na nelci lo nu ciksi fi
lo ve lujvo fo lo tanru .i pe'i lo tanru na banzu lo nu ciksi

> ni'o mupli .i zo tcero'e cu lujvo lo du'u brode kei la'a sai .i ku'i
> zo ro'etce cu cumki lujvo lo du'u na'e brode .i zo ro'etce cu cumki
> lujvo lo mu'a du'u mutce fi'o zgana lo brode .i zo ro'etce cu cumki
> lujvo lo mu'a du'u mutce fi'o simsa lo brode .i mi ba zi finti lo
> mupli lujvo .i za'e xastce (to xamsi zei mutce toi) .i so'a xastce cu
> na ca'e xamsi .i lo xastce cu mutce fi'o simsa lo xamsi .i zo xastce
> cimjvo .i so'i xastce na barda dacti .i la .lojban. mu'a cu xastce lo
> ka gerna pluja .i ku'i zo tcexamsi cu la'a nai sai simsa smuni .i la'a
> sai lo tcexamsi cu je'u xamsi

.i ma smuni zo xasmau do .i pe'i su'a lo brodytce cu brodymau lo
brodymli .i je no da brodymau lo brodyrai

> ni'o xu te jimpe ve ciksi .i xu do na tugni .i .i'e cinri nu tavla be
> fo lo jbobau be'o gentilsnu

.i jimpe gi'e na tugni gi'e ie ja'a se cinri

mu'o mi'e xorxes

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.