Re: [lojban] .ai casnu lo si'o cimjvo si sidysmujvo

[Stela Selckiku <selckiku@gmail.com>]

2010/10/19 Jorge Llambías <jjllambias@gmail.com>:
>
> mi pu zi rejgau da lo mi danfu lo preti la'o sinytci
> http://www.cinchcast.com/xorxes sinytci

.i cinri pinka ki'e .xorxes. .i .ie sai loi cimjvo cu vrici .i zmadu
cei broda fi lo ka frili te jimpe .i zo cimjvo zo la'ucni broda pe'i
.i zo la'ucni zo nikyge'u broda pe'i .i zo nikyge'u zo banzgu broda
pe'i .i na dunli sidysmu .i na dunli nandu .i su'a lo seljvo lo veljvo
cu ckini da goi ko'a .i ko'a ka'e sampu .i ko'a ka'e pluja .i lo traji
xebni be lo si'o cimjvo cu .ia xusra lo du'u ko'a .e'i dai ro roi
mutce sampu .i la .xelsem. li'a pu nelci lo za'i ko'a ka'e mutce nandu
te jimpe .i vrici jinvi

ni'o ku'i no ko'a cu prane sampu .i mu'a zo mrostu zo'u lo morsi cu
ckini lo stuzi lo za'i lo xadni be lo morsi cu zvati lo stuzi ba lo nu
mrobi'o .i xu filterjmi .i frili ma'a ka'u .i ku'i so'i se kulnu cu na
krici ja se slabu lo du'u lo morsi cu xabju lo mrostu .i mu'a le djedi
cmene noi ma'a mutce casnu zo'u lo te ckini be lo namcu bei lo jeftu
djedi cu na'e filterjmi .i xu zo tanbargu mu'a cimjvo .i xu zo
kucyga'asni mu'a cimjvo .i xu zo ga'arboiterjvi mu'a cimjvo

ni'o lo cilmo cu je'u srana lo cimjvo .i lo cilmo cu ckini lo cimjvo
lo za'i lo cilmo cu simsa lo lujvo be lo simsa be lo se cilmo .i xu
na'e banzu sampu ma

mi'e .telselkik. mu'o

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.