Re: [lojban] .ai casnu lo si'o cimjvo si sidysmujvo

[Jorge Llambías <jjllambias@gmail.com>]

On Fri, Oct 22, 2010 at 9:35 AM, Michael Turniansky
<mturniansky@gmail.com> wrote:
> 2010/10/21 Jorge Llambías <jjllambias@gmail.com>:
>>
>> ki'e gejyspa .i ku'i do no da cusku se ra'a zo banzgu .u'i
>
>  mi noroi xusra lo du'u go'i .i xu zo spuda cu nibli lo nu lo te
> spuda cu bilga lo nu srana lo se spuda .i pe'i na go'i

ie na go'i .i mi na pante .i mi te pinka po'o .i je'u mi pu lo nu
tirna cu kanpe lo du'u do ba te pinka zo banzgu .i ku'i na vajni .i mi
mutce gleki lo nu tirna lo nu do bacru tavla .i ui .i'o

> .i pe'i lo se
> spuda cu gasnu lo te spuda .ijubo lo logji krinu be lo nu spuda cu
> zvati

pe'i na gasnu .i pe'i zo gasnu cu dukse lo ka tsali .i ia ju'o cu'i lo
se spuda cu xlura lo spuda lo te spuda .i ku'i lo spuda .enai lo se
spuda cu fuzme lo te spuda

> .i ru'aku'i lo nu mi rejgau  cu spuda lo nu mi tirna lo do vreji
> .i ku'i lo se vasru be lo mi te spuda na te spuda lo se vasru be lo se
> bacru be do

je'e .i ki'e ke'u .i .a'o mi'a za'u re'u tirna do

mu'o mi'e xorxes

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.