[lojban] .i lo nunjbosnu .i'e zo'u pampe'o nu zanfri

[Jacob Errington <nictytan@gmail.com>]

ni'o fu'e ba'a nai sai ko'a cabna lo bimoi co masti .i mi zo'u cimoi co relcu'e nanca .i mi ce abu pampe'osi'u co'a pu za lo masti be li pa ba'ucu'i

ni'o mi zvati lo ckule ca lo nalgundei .i bilga lo ka co'e kei ki'u lo du'u mi pu jungau lo ctuca lo du'u .au mi cy sidju lo ka jivgau lo pu'o da'i tadni lo du'u lo ckule cu banli .i pa roi lo nanca di'iku lo ckule tai jarco

ni'o mi joi so'i lo drata cu tigni co zgike sesi'u cy .i ca lo prulamdei be ko'a lo pampe'o mi jungau lo du'u py djica lo nu vitke mi lo ckule kei sedu'o lo du'u mi cy zvati .i ja'aku uisai py vitke 

ni'o .ai mi roroi ze'eba morji fi lo nu penmi ca ko'a .i mi cliva lo ckule ba lo nu mo'u sidju je tigni .i za'a abu mi sejaise denpa fi'o se zutse lo panka stizu joi jubme pe lo ckule panka .i .abu dasni lo sampu no'u lo bluji joi lo blabi creka co kluza .i ca'o lo nu mi barzu'e lo ckule dinju kei abu catlu lo loldi .i mi se prali fi lo nu go'i kei fe lo nu jai spaji .i bo sa'e mi nalselvi'a co klama lo trixe gi'e degji ke betfu tunta vau uedai .i abu mi fe'utra .u'i gi'e ku'i se jai pluka ja'aku sei sa'a ta'o abu jungau be noroiku .i nandu abu fa lo ka fengu kei fau lo nu cinba noi ca ko'a mi ja'a zukte 

ni'o bu'u lo ckule zi rirxe fa la voi censa .lauren. fi'o mudri ke djacu gapru se cadzu lo me mi'a moi co se klama pe ca'o lo nu xance je xance jgari .i klamulbi'o sega'a lo pe'a nu lo solri cu sipyzu'e ti'a lo tankoi .isezu'ebo mi sanli vreta lo nu da'i farlu kei bitmu pe lo bi'u nai se cadzu fi'o se jgari abu noi jbize'adjicai .i je'a jibni binxo fau lo nu cinba carmi zenba .i lo abu xance ce'e lo mi cutne pe'e je lo me mi moi ce'e lo abu befti'e cu vreta .i lo noi minra vau djacu seftu pe lo rirxe cu simlu lo ka se gunma paki'oki'o lo tarci kei ca lo nu mi kalgau lo kanla pu lo nu catlu lo kanla be abu ku noi si'asai tarci simlu .i viska fi'o selne'i  lo kanla fagri noi si'a jai jai ri'a fagri lo mi pruxi fu'o

.i .au ui djuno lo du'u makau do tai li'i pampe'o

.i mi'e la tsani mu'o

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.

For more options, visit this group at http://groups.google.com/group/lojban?hl=en.