Re: [lojban] Re: jai bu'u tavla fo no na'e bo lo lojbo fi lo vrici .e'a

[iesk <pa.fae@gmx.de>]

coi la selpa'i ku mi mo'u xrukla la gugdedu'e gi'e .oi nai spusku fi do

>pau do pu ca'a senva lo da'i munje bangu gi'i djica po'o lo nu lo munje bangu (to po'u ma sa'e dai .i lo lojbo ji lo spero toi) cu zasti .i xu do finti by .i .e'o do krefu ciksi

.i ju'o ru'e nagi'enai  .i mi jinvi lodu'u bangu nabmi kei gi'e ku'i na birti lodu'u da'i da poi munje bangu ka'e xamgu befi mi danfu  .i mi no roi finti lo bangu  .i by. mutce co cinri mi  .i ku'i mi (to kelci ja toi) pilno gi'enai finti vau su'a  .i xu do bangu finti

>.u'i .i'e sai .i .au lo nonjdima birje si se pinxe (to mi na pinxe lo birje toi) .i ma ba stuzi lo barja .i .ei mi sanji ca lo nu jibni .i .ai na viska fliba .i ta'o pe'i va'o lo nu lo lojbo cu ca'a nerkla gi'e cpedu tu'a lo se pinxe >bau lo lojbo zo'u ju'o lo tai lojbo cu mutce lo ka djica lo nu pleji lo rupnu be li so'i .i ki'u bo da'i pleji fi lo ba'e fu'e finti be lo lojbo barja fu'o .i ju'o lo zabna lojbo cu djica lo nu sidju simxu

.i by. se stuzi la .libek. noi xa'anze tcadu zi'e noi se stuzi lo berti gugdedu'e  .i .ui ro'a vitke friti  .i lo barja ca zasti gi'e pu'i te vitke gi'e ku'i na mutce co se jadni lo lojbo  .i ba'u cu'i ba'e seljbo lo barja fa ba'e po'o lo du'u lo barja ponse no'u mi cu lojbo .o'a cu'i vau .u'u ru'e

mu'o mi'e .iesk.

-- 
You received this message because you are subscribed to the Google Groups "lojban" group.
To view this discussion on the web visit https://groups.google.com/d/msg/lojban/-/Nr4vJ7-Xp84J.
 
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.

For more options, visit this group at http://groups.google.com/group/lojban?hl=en.