[Date Prev][Date Next][Thread Prev][Thread Next][Date Index][Thread Index]

Re: [lojban] Re: jai bu'u tavla fo no na'e bo lo lojbo fi lo vrici .e'a

Am 02.09.2012 14:14, schrieb iesk:
Le jeudi 30 août 2012 16:17:37 UTC+2, selpa'i a écrit :
>jetnu .i li'a sarcu fa lo nu da bangu so'e lo jbopre .i ku'i .au lo
>bangu cu du lo lojbo .e nai lo glico .i pe'i na ku rau jbopre cu ca'a
>pilno lo lojbo .i je jy se ba'i darlu ra'u casnu ly bau lo drata

.i lo du'u go'i zo'u ma rinka vau .ua nai  .i xu lo du'u la .lojban. cu mutce co frica lo krasi bangu be lo lobypli gi'e jai nandu  .i xu lo du'u lo velcli cu glico .i za'a ba'e mi noi krasi selbau lo na'e glico cu pensi bau lo nalxamgu glico ca lo nu pensi la .lojban.

ju'o ru'e nu lazni .i frili zmadu fa lo nu bau lo glico cu tavla gi'e darlu .i lo lojbo cu li'a frica lo krasi bangu no'u mu'a lo glico .i ku'i na nibli lo du'u na ka'e se bangu .i pe'i lo na jbota'a cu go nai lazni gi na se cinri lo nu ca'a pilno lo bangu .i ju'o cu'i lo bi'u nai na jbota'a cu djica lo nu jungau fi lo du'u ma kau krinu ja mukti

.i zu'u nai za'a lo sperytadni cu pilno lo spero lo nu casnu lo spero vau mu'a  .i ba'u lo spero ba'e po'o cu se casnu loi spero cu'u ku vau .u'i

.u'i .i do'a nai xagmau lo nu na sai tavla fo lo spero .i ba'a cu'i lo .irci si'a cu so'i roi tavysi'u lo lojbo gerna (to bau lo lojbo toi)
>ue .i zo'o ju'o .ei la munje bangu cu du lo lojbo .i mi se xanri la'e
>di'e .i lo te barja ca lo nu lo barja cu mulno cu retsku fi do fe lo se
>du'u ma kau krinu lo nu lo barja cu se cmene �lu munje bangu li'u� .i
>li'a do ba jungau fi lo du'u lo lojbo cu mo kau .i'e .i ja'e bo ro lo
>da'i te barja cu binxo lo lojbo (to li'a mi senva toi)

.i .i'e da'i  .i ku'i ru'e lo mi cinri je se nelci zo'u lo milxe ranxi jeke purci nunsenva pe lo si'o da'i za'e mu'erbau .uo nai kei cu zmadu lo fatci ke za'e mu'erbau gasnu nuntroci  .i .a'e nai di'u zo'u nandu jufra

pau do pu ca'a senva lo da'i munje bangu gi'i djica po'o lo nu lo munje bangu (to po'u ma sa'e dai .i lo lojbo ji lo spero toi) cu zasti .i xu do finti by .i .e'o do krefu ciksi

ni'o ke'u nai lo vitke befi lo mi barja poi cpedu be bau lo lojbo cu te dunda lo nonjdima birje si selpinxe (to .i .u'i li'a mi na fatci ba'e vecnu da toi)  .i .a'o lo barda ke lojbo lanci ba sinxa lo barja stuzi bu'u le zdani be mi  .i doi lojbo ko nerkla ca lo nu da'i viska

.u'i .i'e sai .i .au lo nonjdima birje si se pinxe (to mi na pinxe lo birje toi) .i ma ba stuzi lo barja .i .ei mi sanji ca lo nu jibni .i .ai na viska fliba .i ta'o pe'i va'o lo nu lo lojbo cu ca'a nerkla gi'e cpedu tu'a lo se pinxe bau lo lojbo zo'u ju'o lo tai lojbo cu mutce lo ka djica lo nu pleji lo rupnu be li so'i .i ki'u bo da'i pleji fi lo ba'e fu'e finti be lo lojbo barja fu'o .i ju'o lo zabna lojbo cu djica lo nu sidju simxu
>.i'e .i'o .i lo nu troci cu so'a roi prali .i mi na sai to'e se cinri lo
>nu tcidu lo do selsku .i .a'o lo drata ji'a cu ciska da

.i go'i .ie sai

ie .i za'o denpa lo nu lo drata cu ciska da .i doi drata .i mo

mu'o mi'e la selpa'i
 
-- 
pilno zo le xu .i lo dei bangu cu se cmene zo lojbo .e nai zo lejbo

^:i \jl /flr sen |ziu \su xn go kror
^:i \sym tfn /zu viw \xn jy ^jaiw

--
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.