Re: [lojban] Lojban translation of term (syntactic unit)

[Ilmen <ilmen.pokebip@gmail.com>]

ni'o coi do'u .ui
.i je'u mi pu co'u .u'i morji lo du'u mi fi do'i te preti co ciska fi ba'e le selmriste

ni'o doi la gejyspa, «lu fi'o nai broda li'u» zo'u: mi tugni la selpa'i lo du'u smuni dunli «lu fi'o na broda li'u» .i pu za ku la xalbo fi mi stidi fe lo du'u .e'u fanva «zoi gy. as far as I know .gy.» fu «lu fi'o natfe no se djuno be mi li'u» .i mi nelci ri .i pe'i zo'e ne zo nai cu smuni simsa .ie pei

ni'o doi la selpa'i, lo nu pilno «lu te valsi li'u» cu xamgu .u'a .i ca lo nu mi ciska do'i kei mi na pensi tu'a zo valsi .i mi ckire do lo nu stidi vau .ui

ni'o mi'e la .ilmen. mu'o
______________________________________________

ni'o la selpa'i pu ciska lo cnita be dei

la gejyspa cu cusku di'e

secau lo nu mi spuda lo preti be fi do kei ku mi se cinri lo nu do pilno
lo'u fi'onai le'u .i ma smuni ri do .i xu lu fi'o nai broda lo brode
li'u  jibni lu fi'o broda no da poi brode ku'o li'u lo ka se smuni

ni'o pe'i «lu fi'o nai broda li'u» smudu'i «lu fi'o na broda li'u» .i ja'o lo selsku be la .ilmen. zo'u: «lu fi'onai natfe lo se djuno be mi, lo jbobau na ponse pe'a ru'e lo mapti valsi li'u» simsa «lu lo se djuno be mi na natfe lo du'u lo jbobau na ponse lo mapti valsi li'u» .i la'a la .ilmen. cu jinvi lo simsa

ni'o ta'o doi la .ilmen. «lu lo jbobau na te valsi fi lo mapti li'u» pei

mu'o mi'e la selpa'i

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban?hl=en.
For more options, visit https://groups.google.com/groups/opt_out.