Re: [lojban] Balningau: The Great Update

[Jorge Llambías <jjllambias@gmail.com>]

On Mon, May 26, 2014 at 7:07 AM, selpa'i <seladwa@gmx.de> wrote:

ni'o .a'o ma'a ba zi co'a gunka tu'a lo gimste .i .i lo kampu se stidi cu pa moi .e'u .i xu su'o da poi kampu srana zo'u: do no'u la .xorxes. cu djica lo nu ma'a da cnegau .i mi na tugni fi lo du'u lo nu da tcini (to sa'e tcini ja vanbi toi) te sumti lo simsa be zo litki cu sarcu .i pe'i zo va'o banzu .i si'a mi jinvi lo du'u ka'e vimcu vei so'e .a ro lo marji te sumti .i zo marji zasti .i lo nu cusku lu ti baktu lo djacu gi'e marji lo slasi li'u noi basti lu ti baktu lo djacu lo slasi li'u noi cizra (to be mi toi) milxe cu cumki gi'e la'a sai banzu .i do'a nai ju'o nandymau fa lo ka mo'icli .i ji'a sa'u ro da zo'u lo du'u lo baktu da marji cu nibli lo du'u baktu fi zi'o .i ja'o lo si'o marji na vajni

.i mi do tugni .i nandu fa lo nu jimpe lo du'u ki'u ma kau ge zu'u lo bolci .e lo kojna .e lo baktu cu se jinzi lo ka marji gi zu'u nai lo boxna .e lo balre .e lo vasru na co'e .i ku'i lo manri te sumti .e lo vanbi te sumti cu zmadu fi lo ka fanza mi 

ni'o .a'o su'o drata ba zi stidi de .i lo nu darlu lo na'e srana cu xamgu ma'a no da (to mi zo'u pe'i lo ci moi te sumti be zo xamgu cu panra lo re moi pe zo drani ge'u .a lo ci moi pe zo mapti toi) .u'i

je'e .i zo mansa .e zo vajni .e zo cfipu .e zo cizra .e zo xajmi .e zo fange .e zo zdile ,e zo trina ,e zo .melbi .e zo cnino .e zo slabu .e zo dicra .e zo zunti cu mintu fi lo ka tersu'i stura .i ku'i ki'u ma zo cinri .e zo misno .e zo dirba ,e zo ckape .e so'o drata na go'i 

mu'o mi'e xorxes

 

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.