[Date Prev][Date Next][Thread Prev][Thread Next][Date Index][Thread Index]

[lojban] Lojban text; Beginning of Burton's Arabian Nights



The following MIGHT be in pre-1994 Lojban, in which case some rafsi have changed and maybe even a cmavo or two, and it will make no sense. But people on IRC wanted to see it - the last really serious effort I did in Lojban before getting bogged down in running LLG and supporting Cowan in writing CLL.

ko zanli'i
mi'e lojbab

me le cukta be le paki'o nicte ku ce'o le pa nicte
cu'u la ritcrd brtn

ni'o  nu sinma le cmene be la .alyf. no'u le kanke'i je ka kanke'i

ni'o  .ai nu si'asku la .alyf. no'u la zandu'a nolrai zi'e no'u la finti
      be roda zi'e no'u la nolca'i be le ci munje zi'e noi gapri'a loi tsani
      sepi'onai loi zbepi zi'enoi tenri'a loi se tsani tai lo ckana

      .i .a'o du'acni gi'e selcpedu'a vau la mo'amed. po'u la mi catni zi'e
      no'u la lidne be loi jdapre ge'u .e lera lanzu .e lera kansa se lidne

      .i a'o lenu go'i cu renvi ze'eru'ipu le mu'e roldimna
      .i .iicaide'u doi cibmunje trurai

ni'oni'o ba'oki
.i tu'e .ia le ke selzu'e je selsku ke'ebe le purci be mi'o prenu pu
binxo lo ke muksni je mupli ke'ebe ga'a loi prenu pe ca
.i seki'uke lei prenu ka'e zgana loi kajde selfri be loi drata gi'e ka'e
se kajde fi le krefu
.ije lei prenu ka'e tadzga lei cirvei be loi puzu prenu .e le selfri be
ri gi'e ki'u seltru je selri'u tu'u
.i semu'ibo .a'o si'asku ba'eda poi le citri be loi purci cu kajde
selbe'i ke'a loi cabna
.i caki nu go'i kei fa le lisri po'u la'elu le paki'o nicte ce'o le pa
nicte li'u zi'e goi fo'a ge'u joi le fo'a balselpe'a ka misno kei ke
selranmi je selmanci
.i fi fo'a terlisri fe de'e to .i'e da'i la .alaf. djuno ro le ri mipri
gi'e turni roda gi'e selsi'a roda gi'e dunda roda gi'e zancevni xendo
roda gi'e faxpai roda .a'ocaiga'inaivu'enai toi

ni'o ca le puzu cedra ca le puzu purci temci ko'a zo'u ko'a ge nolrai
lei nolrai be la banusasan. to panzi la sasan. gi'e pazycerda turni
zipu'o le musyjda jamnunji'a toi pe vi le jacyselsru tumla po'u la
xindo.  .e la jungo gi noltru lei jenmi joi lei badypre joi lei selfu
joi lei tersabji
.i ko'a tercerda fi re po'o bersa .i pa le remoi goi fo'e
co'a zanmakcu .i le drata pujeca citno .i ro le remoi cu nolxirsoi je
vrisoi .i ku'i ja'enai ru xirtro zantepcau zmadu ra .i ru cerda le
sornaije'a
.i ba'oki fo'e turni le selje'a gi'e justru le fo'e bilga seltru sekai
le ka zandrapai co mupli kei seki'u le za'i fo'e selprami le xabju be le
fo'e truta'u .e le fo'e jecta .i fo'e se cmene lu noitaj. caxr,iar. li'u
to sei lu tcadu pendo li'u smuni toi
.i fo'e dunda fi le fo'e citno bruna po'u la cax. zaman. goi fo'i to sei
lu noltru be loi cedra li'u smuni toi fe lenu noltru la samarkand. pe vi
la .al .adjam. poi malnalxrabo gugde

ni'o ko'a goi fo'e .e fo'i na sisti lenu xabju leko'a so'o seljecta
.i lei flalu cu seltinbe vi le ko'a selca'i .i ro ko'a turni le ri
seltru sekai le ka du'ifra gi'e drapai vau lei seltrupre kei vau gi'e
traji xankyvi'u je xaufri ru'i roroi lei nanca renomei

ni'o ku'i caze'a le co'u renomoi ke masti paremei be ri le tolcitmau cu
ci'onrai djica lenu viska le ri citmau bruna gi'e cnikri lenu selsa'u lenu fo'e
catlu be fo'i co krefu paroi
.isemu'ibo fo'e sista'a la fo'e raltru vipsi po'u la .uazir. goi fo'o
loka pijyselji'i befi lenu fo'e bazi vitke fo'i
.i ku'i la vipsi ki'u lenu ri jdice le sedu'u le nu vitke cu fasnu cu xlaselti'i kei
cu jivyti'i lenu lo xatra ba selci'a .ecabo lenu lo seldu'a cu selbe'i ka'i
fo'o fi le citmau bruna gi'e kansa lo notci co litcpe lenu vitke le
tolcitmau

ni'o fa'u lenu tu'ijdi le sego'i kei le nolrai zi minde le pu'u zu'i
breri'a loi mlecfu seldu'a noi selmupli lei xirma poi dasni lo seltse co
selzba be fi loi jmeja'i solji ku'o ce lai mamluk. po'u loi kandyskapi
selpospre ge'u ce loi melbi sivysleni'u ce loi djari tatru ke nalge'u
citni'u ce loi banli ke vrici dacti noi kargu
.i fo'e terxa'a la cax.zaman. fo le nu fo'e mutce prami gi'e vi'adji vau
ri ku'o fi zo'e noi selfa'o lu
mipezi ki'uku pacna mu'i loika cuxyzau gi'e ramnei vau fa le selprami
bruna kei ri ba nolsezra'u cuxna lenu sezyselmu'u ri ku .e lenu carmu'u
leri flira le farna be mipezi seisa'a dei smuni be lenu le bruna cu
jundi le pacna se'u
.i ji'a mipezi ba'o bejmi'e lenu le mipezi raltru vipsi cu mulmansa le
mi'ejva be loi ru'i velru'e dzuli'u
.i mipezi romeicai djica lenu viska do pu'o lenu mipezi mrobi'o
.i ku'i .aicainai do denpa gi'a fliba co mansa mipezi .inaja mipezi na
renvi le go'i jenca .uu
.i to'u romai .a'o loika panpi cu vanbi do li'u

ni'o ba'oku la noitaj. caxr,iar. ba'o lenu ri laktcita snuse'a le
selci'axa'a gi'e dunda ri la .uazir. fe ji'a le seldu'a co pruselski
keiku minde lenu fo'o torlafti le fo'o skaci gi'e cipra le fo'o
kazrevytsali gi'e sutkla fo le ze'orvelkla .e le zo'irvelkla
.i lu tinju'i gi'e tinbe li'u selcru la vipsi .ibazibo redbi'o secau lo
nunsti gi'e gazytisna le fo'o selbeivau gi'e redri'a le fo'o seltcu
secau lo nunde'a

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.