Re: [lojban] {porsi}

[Jorge Llambías <jjllambias@gmail.com>]

On Fri, Jan 30, 2015 at 3:15 PM, Alex Burka <durka42@gmail.com> wrote:

cinri nuncasnu .i mi te sidbo lo drata mupli

.i mu'a da'i ca lo cabdei mi pu klama lo mi briju ca lo cerni gi'e ba bo xrukla lo mi zdani gi'e ba bo xrukla lo mi briju

.i mi ponse lo pa briju .i mi na ponse lo briju xi pa .e lo briju xi re

.i ja'o lo bi'unai briju cu xo moi lo se klama be mi

zo'o .e'u ko seltcitygau lo do lisri lu lo nabmi pe lo briju poi zilkancyze'a li'u

.i ru'a do tavla fi lo pa briju poi do ponse ke'a gi'e klama ke'a re roi lo cabdei to ku'i mi na mulno jimpe lo du'u lo re briju ku poi do ponse su'e pa ke'a cu srana ma kau toi

.i pe'i lo briju ge pa moi gi ci moi vau lo ci se klama be do bei lo cabdei .i lo ci se klama zo'u lo pa moi jo'u lo ci moi cu mitsi'u lo ka se stuzi ma kau kei gi'e ku'i ficysi'u lo ka se klama ca ma kau .i ca lo nu do tavla fi lo se ponse do pensi lo briju poi pa mei lo se ponse .i ca lo nu tavla fi lo se klama porsi do pensi lo briju poi re mei lo se klama

mu'o mi'e xorxes

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.