Re: [lojban] CMK

On Sat, Mar 14, 2015 at 9:01 PM, Stela Selckiku <selckiku@gmail.com> wrote:

.i sa'e tavla .ai fi lo nu lo'e lobypli goi ko'i cu pilno lo jbovla lo nu xusra lo du'u lo bridi cu mo kau ko'i .i lo lunbe sa'e nai bridi zo'u fo'i xusra mo'a da .i lo nu terpli ciksi cu sarcu lo nu ko'i vlipa xusra .i ko'i cusku lu mi klama lo zarci li'u mu'a (to misno mupli (to mi na'e pilno zo le te zu'e lo nu lo do kanla cu na'e fagri pe'a toi) toi) .i no'e xusra lo du'u ko'i klama lo zarci .i ju'o cu'i te lisri .i ju'o cu'i mupli .i zo mu'a mu'a plixau ko'i .i srana lo pe'i selcni .i srana lo sa'e ka mu'anmo .i ko'i mo pau nai lo su'u mi klama lo zarci .i mu'anmo .i lu mi klama lo zarci li'u se jinzi lo ka srana lo sucta po'o .i lu mi klama lo zarci mu'a li'u ka'e se pilno fi lo zmadu vlipa nu xusra

ie lo nu ko'a cusku lu mi klama lo zarci li'u na bi'ai mintu lo nu ko'a xusra lo du'u ko'a klama lo zarci .i ku'i la'a ko'a ja'a zu'edji lo ka xusra la'e di'u .i ko'a ka'e pilno zo ju'a lo ka satcyze'a .i lo nu na pilno lo cnima'o cu ta'e sinxa lo nu lo cusku cu xusra

.i lo cusku be lu mi klama lo zarci mu'a li'u cu xusra lo du'u vo'a ckini lo selsku lo ka mu'anmo

pe'i zo xusra na mapti .i lo nu pilno lo cnima'o cu nu jarco gi'e nai nu xusra .i lo cusku cu ba'e jarco lo ka ckini lo smuni be lo selsku ma kau .i na xusra

.i lo jufra cu fu'e pe'a cliva lo kensa lo cusku xe ka'a zo mu'a fu'o

.i CMK tavla .ai fi lo si'o za'e kesli'a pe'a .ua pei

.y ua ru'e .i pe'i lo jufra na tai vajni .i vajmau fa lo smuni be lo jufra .i lo cnima'o cu jadni lo jufra .i lo cnima'o cu tcita lo jufra lo du'u lo cusku cu cinmo ma kau lo smuni be lo jufra

.i se ju va'o lo nu lo velcki cu zabna kei mi ka'e pilno vy lo ka ningau je matyzengau lo ve skicu pe la jvovlaste

.a'o sai .i .a'o sai plixau fi lo nu tordu velcki .i ku'i no'e troci lo nu finti lo tordu .i troci lo nu satci .i clani satci .i .ai rapli li rau fa lo nu tavla fi zo .ui .i li'a smimli lo nu cusku lu mi gleki li'u .i ku'i xu nai fricymli

zo smimli drani .i je'u mutce lo ka milxe .i lo nu ko'a cusku zo ui cu nu ko'a ba'e jarco lo ka gleki .i lo nu ko'a cusku lu to'i ju'a toi mi gleki li'u cu nu ko'a xusra lo du'u ko'a gleki .i lo nu jarco na mintu lo nu xusra

.i .ai rapli li so'i fa lo nu casnu .i lo nu xusra lo du'u zo .ui cu srana lo si'o gleki cu drani gi'e na'e mutce pe'i lo ka te prali .i zo .ui jmivymli .i ku'i .au jmivytce .i xu .a'o frica lo nu cusku zo'oi :-) .i condi pe'a tumfakli'u pe'a vau .au

pe'i zo'oi :-) cu sinxa lo nu lo cusku cu cisma .i lo nu cisma ka'e sinxa lo nu gleki .a lo nu se zdile .a lo nu zanru .a lo drata .i la'a zo ui cu zmadu zo'oi :-) lo ka satci

.i na'e cafne fa lo nu lo cnino cu cnima'o .i zo .oi'o ninmli

nabmi fa lo nu zo .oi'o na vlipa lo ka jenca .i lo nu jenca cu se sarcu lo valsi poi lo nu pilno ke'a cu kulnu zekri .i zo .oi'o na mutce lo ka jivna zo'oi fuck lo ka jenca pei

.i mi pu zi finti zo .ii'i noi co'e zo'oi "excited" ku'o pei

pe'i simsa zo .a'e .a lu .a'e sai li'u .i mi zmanei lo nu mulno troci lo xa'o zasti pu lo nu finti lo cnino cmavo .i ku'i .e'e ko pilno va'o lo nu do nitcu .i .e'u ko ciksi lo te frica be zo .a'e bei zo ii'i .i ca ma fa'u ma do pilno lo se drata fa'u lo drata

.i ku'i ra'u CMK masno rapli tavla .ai fi lo laldo .i zo .i'u zo'u .i'unmo .ai .i zo .o'e zo'u .o'enmo

.i'e

mu'o mi'e xorxes