Re: [lojban] jikca

[selpa'i <seladwa@gmx.de>]

la selckiku cu cusku di'e
> .i .ei zo'o zo'o nai ru'e mi'o gunma ke snakarni finti
> .i ca lo nuncfari do fa'u mi cusku lu coi sycy. li'u fa'u lu coi sypy. li'u

.i'e .i na'e xlali sidbo .i ku'i da'i mi cusku lu sycy li'u na je lu la 
selckiku li'u .i lo snakarni ma srana da'i

> .i lu li'o
>
>     nu lo jbobau cu na'e sisti lo ka banro
>
>
> li'u
>
>
> .i mi no'e birti lo du'u ma kau smuni
> .i sa'e mi no'e birti lo du'u do djica ma kau
> .i li'a lo jbobau cu banro na'e jai se sisti
> .i li'a ji'a za'o masno .oi
> .i la'a nai lo sorpre cu ba zi co'a jbopre .ie nai pei
> .i ku'i cumki fa lo nu lo ca'abna jbotadni cu snada kei
>    se ri'a lo .ui nu ma'a kakne lo nu tavla rau .ia cinri

ie .i sa'u mi djica lo nu lo jbobau cu dunli ju zmadu lo rarbau lo ka ma 
kau ni plixau je sa'e lo ka lo pilno be ce'u cu kakne lo ka smusku xo 
kau da .i mi djica lo nu lo pilno be lo jbobau na cinmo lo ka su'o da 
poi xislu zo'u lo metfora karce pe ce'u cu claxu tu'a da .i ja'a ru'e 
ka'e muvdu fa lo karce .i ku'i masno .i je lo ni lo sazri cu zanfri cu 
mleca lo jai se djica gi'e mleca lo poi'i lo nu ke'a ni zanfri cu cumki 
.i to'u mi djica tu'a lo ro moi xislu .i ia .a'o lo drata cu simsa pacna

mi'e la selpa'i mu'o

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.