Re: [lojban] jikca

[Stela Selckiku <selckiku@gmail.com>]

On Fri, Feb 13, 2015 at 3:50 PM, selpa'i <seladwa@gmx.de> wrote:

la selckiku cu cusku di'e

coi jbope'o

coi la selckiku

coi sypy.

.i .ei zo'o zo'o nai ru'e mi'o gunma ke snakarni finti

.i ca lo nuncfari do fa'u mi cusku lu coi sycy. li'u fa'u lu coi sypy. li'u

 

.i lu li'o

  nu lo jbobau cu na'e sisti lo ka banro

li'u

.i mi no'e birti lo du'u ma kau smuni

.i sa'e mi no'e birti lo du'u do djica ma kau

.i li'a lo jbobau cu banro na'e jai se sisti

.i li'a ji'a za'o masno .oi
.i la'a nai lo sorpre cu ba zi co'a jbopre .ie nai pei

.i ku'i cumki fa lo nu lo ca'abna jbotadni cu snada kei

  se ri'a lo .ui nu ma'a kakne lo nu tavla rau .ia cinri

 

 zu'u lo cabna lo purci cu zmadu fo lo barda fi lo ka ma kau ni lo jbobau cu kanro ca ce'u .i zu'u nai lo cabna noi ca ke'a ma'a je'a pilno lo bangu cu jai ca sanjybi'o lo du'u so'i sai da zo'u ma'a za'o nitcu lo ka dafyfa'i da

.ie .ie bu'o .i lo jbobau cu je'u xagmautce lo laldo
.i ku'i pu zu na'e troci lo nu mulno bangu tcini pilno

.i banzu frili pu zu ku fa lo nu masno fanva finti lo tcuvla
.i ku'i ma'a ca tcuvla tcutce co sutra .i nandu zmadu
.i bramau seltoi ke bramau ni nadytce .a'i .u'a

 

.i ku'i la'a lo cabna cu cinrymau .i ie pei so'u fa'u so'i da cu jbofasnu pu fa'u ca lo ca jbocedra

sai .ie sai .i ci'itce .i je'u zmadu fasnu
.i ku'i ji'a smaji simlu

.i pu zu ku ba'a nai mi'a no'e kanpe lo nu jbopli
.i tolcando simlu ca lo nu lo prenu cu glita'a fi lo lojbo
.i ca ku'i simlu lo ka za'e jbocando kei lo jbocre lo nu

   lo glico po'o cu fasnu

ni'o ni'o ku'i junri dukse

.i .au naljunri ji'a jikca tavla

.i mu'a lo do lanzu cu kanro xu .a'o gi'e gleki xu .a'o
.i mu'a do citka ma noi kukte xu .a'o do

ni'o cidja .i xamgu jikca terta'a .i ka'u ni'i ro ma'a citka

.i mi joi la ckiku cu ca gasnu lo nu lo dembi cu cokcu lo djacu

.i ji'a nitcu lo nu ze'u jukpa
.i ba zu kuktce ba'a

ni'o .a'o lo xamgu ro do li'i lojbo

.i ko ko kurji
mi'e la stela selckiku
mu'o

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.