Re: [lojban] jikca

[Jorge Llambías <jjllambias@gmail.com>]

On Sat, Feb 14, 2015 at 1:07 AM, Stela Selckiku <selckiku@gmail.com> wrote:

.i ku'i cumki fa lo nu lo ca'abna jbotadni cu snada kei

  se ri'a lo .ui nu ma'a kakne lo nu tavla rau .ia cinri

.i ie ma'a kakne lo ka casnu bau lo lojbo .i ku'i pe'i ma'a za'o nitcu lo nu gunka tu'a lo cinri 

 

.i tolcando simlu ca lo nu lo prenu cu glita'a fi lo lojbo
.i ca ku'i simlu lo ka za'e jbocando kei lo jbocre lo nu

   lo glico po'o cu fasnu

.i ge lo vasru gi lo se vasru cu vajni .i li'a lo so'i mei cu se cinri lo nu darlu casnu lo lojbo .i talsa fi lo nu co'e ba'e bau lo lojbo .i malfu'a fa lo nu lo melmle je pukpu'a na dunli lo te toltu'i lo ka trina lo casnu

ni'o cidja .i xamgu jikca terta'a .i ka'u ni'i ro ma'a citka

.i zo'o ji'a ro ma'a vasxu .i ku'i la'a lo nu casnu lo vacri cu na se cinri so'i da .i mi na tolxu'a lo du'u so'i prenu cu se cinri lo cidja .i ku'i xu rau jbopli cu se cinri .i mi na djuno .i mi mu'a na kakne lo ka jukpa lo drata ba'u be lo rismi .a lo nudlo .a lo sovda .i la piier pu so'i roi ciska se ra'a lo cidja .i ku'i no da spuda 

ni'o .e'e ma'a na terpa lo nu junri .i sarcu fa lo nu facki lo du'u ma kau drani lanxe lo nunjunri jo'u lo nunxalbo .i lo nu dukse lo ka junri cu se jalge lo sudga noi nandu fa lo nu tunlo .i lo nu dukse lo ka xalbo cu se jalge lo mapra to ui .u'i mi pu zi tolcri lo pa kurtyvla poi ca'a plixau .i xu mi jinga da toi noi na mansa lo menli xagji .i .oi u'i mi ji'a jai se fanmo lo nu tavla fi lo cidja

mu'o mi'e xorxes

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.