[Date Prev][Date Next][Thread Prev][Thread Next][Date Index][Thread Index]
Re: [lojban] jikca
la .xorxes. cusku di'e
On Sat, Feb 14, 2015 at 1:07 AM, Stela Selckiku <selckiku@gmail.com
<mailto:selckiku@gmail.com>> wrote:
ni'o cidja .i xamgu jikca terta'a .i ka'u ni'i ro ma'a citka
.i zo'o ji'a ro ma'a vasxu .i ku'i la'a lo nu casnu lo vacri cu na se
cinri so'i da
bu'u su'o jungo tcadu lo vacri cu dukse lo ka toljinsa kei ja'e lo nu lo
xabju cu nitcu lo ka dasni lo vasxu julne gi'a zvasta lo nenri be lo
zdani .i fegli .i li'a ru'e so'e prenu na djica lo nu casnu
.i mi na tolxu'a lo du'u so'i prenu cu se cinri lo cidja
.i ku'i xu rau jbopli cu se cinri .i mi na djuno .i mi mu'a na kakne lo
ka jukpa lo drata ba'u be lo rismi .a lo nudlo .a lo sovda
.u'i .i'u .i pu ku lo grusko cu ro pa mei lo poi'i mi kakne lo ka jukpa
ce'u .i ku'i mi zenba lo ka certu xo kau da .i mu'a pu za lo djedi be li
so'u mi jukpa lo plujymli (to be ma'i mi .u'i toi) .i pa mai setca lo
palta lo febvi djacu co'u lo nu banzu ranti .i ba bo pilvi'u .i ba bo
katna fi lo cinla spisa .i setca ro lo spisa je lo ladykruji lo tansi
gi'e punji lo cirlyrkamambere lo gapru .i ji'a prejygau lo cmalu xajre'u
kubli lo gapru .i ro ru'e mai setca lo tansi lo toknu .i ji'a zbasu lo
salta .i lo drata poi citka pu se mansa .u'i .o'a cu'i (to zo'o ru'e .oi
ru'e bu'o cu'i ma valsi lo ka te jukpa kei gi'e na mintu zo jukpa toi)
mi'e la selpa'i mu'o
--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.