Re: [lojban] star (shape)

[Stela Selckiku <selckiku@gmail.com>]

On Mon, Apr 20, 2015 at 11:28 AM, iesk <pa.fae@gmx.de> wrote:
>
> .i mi lo du'u ma kau di'u do smuni cu na'e mulno jimpe se ja'e lo du'u lo poi mi ce'u na selsau ku'o valsi .a'u po'u


.ua nai dai toi'e .u'u (to .u'u .u'i toi'e .u'u zo toi'e cu jai rinka
lo nu lo cnivla smuni cu gafygau lo drata poi cnivla smuni (to je'u
zu'u du'e da ninvla .i ku'i je'u zu'u nai lo jbopre cu vlaxagji .i
pluja toi) toi)


> zo. ta'ai.


ni'o zo ta'ai cu se pilno fi lo nu tavla fi lo valsi tarmi .i mi troci
lo nu mupli ciksi .i zo ta'ai ta'ai ta'ai .i zo ta'ai ta'ai me'oi va'i
.i zo me'oi ta'ai me'oi gi'e ta'ai ta'ai .i zo xamgu ta'ai xamgu .i zo
xamgu na ta'ai ta'ai .i zo lakne ja'a ta'ai xamgu .i zo sorpeka ta'ai
sorpeka .i zo nonseka ta'ai sorpeka .i xu lo drata cu ta'ai nonseka .i
.au so'i melbi ta'ai nonseka cu se finti .i xu do jimpe .a'o .i pilno
fi lo nu valsi tarmi tavla


> e zo. mu'umgu.


ni'o mi finti zo mu'umgu .i se'o ka'e te citri

ni'o mi tadni lo ta'ai .umgu .i so'u za'a jbovla cu ta'ai .umgu .i .ue
.u'e zo .idra zasti gi'e ta'ai .umgu li'a gi'e cfika monsuta valsi .i
so'u spati je danlu ta'ai .umgu cu zasti .i zo .otpi zdile bebna
jbocitri zasti su'a nai .i su'a ku'i za'a lo jbopre noi vlaxagji cu
na'e ku'i pilno lo ta'ai .umgu .ue .a'u

ni'o mi milxe cunso cuxna zo .umgu gi'e smudu'a ri lo si'o finti lo
valsi te zu'e lo nu rinka lo nu tcaci .i ba za binxo zo mu'umgu lo
na'e te morji be fi mi .i zo mu'umgu zo'u: FA finti FE lo nu FI tcaci
FO .i mi mu'umgu zo mu'umgu lo nu finti lo cinri smuni valsi kei lo
jbopre .i .ai lo nu pensi lo smuni be zo mu'umgu be'o .e lo nunfi'i cu
rinka lo nu do'o krici lo du'u cumki fa lo nu finti lo valsi lo nu lo
cinri cu fasnu .i mu'a peisku da'i lu"  la mango jduli pu finti zo
mu'umgu lo se djica be MJ .i .ia mi zifre lo nu finti lo valsi lo se
djica be mi .i mi peitce lo si'o broda .i .ai bu'o rodmugzba (to broda
zei mu'umgu zei zbasu toi)  "li'u


> e zo. vanlamigu.


ni'o zo vanlamigu zo'u: FA gusni fi lo solri gi'e se minra lo lalxu ca
lo vanci .i mi fa'u la selpa'i cu finti lo smuni fa'u lo vlasna .i
jbofuvi .i jbojbofu'ivla va'i .i vanci zei lalxu zei minra zei gusni
.i vacla'umirgu'i .i vanlamigu to'u

ni'o mi finti lo smuni be zo vanlamigu ca lo nu tavla fi lo rafsi
ciste .i so'u rafsi cu zasti ka'u .i so'a lo zasti cu se xaksu za'a .i
ku'i cumki li'a nai pei? fa lo nu bramaugau .i mi pilno ra'oi -zoi-
noi si'au nu'o selpli ku'o lo nu braca'uzba .i mu'a ra'oi -vanzoi- cu
rafsi ca'e zo vanlamigu .i lo fadni rafsi ciste zo'u: mo'a rafsi cu
zasti do'e lo nu rafsi zo vanlamigu .i mi mu'umgu ra'oi -vanzoi- lo nu
bramaurafsyci'epli kei lo jbopre .i ji'a je'u plixau pe'i fa lo nu
frili tavla fi lo nu vanzoicta


> e zo. laldygimtaivla. cu se pilno


ni'o zo gismu cu selpli fi lo vrici bau lo glibau za'a .i ku'i na'e
jbosarxe fa lo nu simsa gasnu bau lo jbobau .i su'a lo gismu cu jicmu
valsi .i su'a lo gismu cu se rafsi lo ve gismu gi'e pilno fi lo nu
zmadu pluja valsi zbasu .i su'a nai lo steci poi valsi tarmi cu pu zu
se pilno fi lo nu zbasu lo laldo gismu poi valsi fi lo jbobau .i su'a
nai sai! lo ta'ai gismu .e lo ta'ai gimsu .e lo ta'ai smugi cu se
pilno fi lo pu zu nu gi'uzba .i bau lo glico zo gismu cu se pilno fi
lo nu tavla fi lo bi'u nai ba'e tarmi .i mi troci lo nu jbosarxe sepli
tavla fi lo valsi tarmi po'o .e nai lo valsi klesi noi pe'i sepli
tcini



> .i ku'i pe'i ru'e do jinvi lo du'u da poi valsi de zo'u lo du'u da vajni na krinu lo du'u de gismu
> .i lo du'u da vajni lo ca lobypli na krinu lo du'u da vajni lo ba lobypli vau ie pei


ni'o pe'i vajni fa lo nu lo vajni smuni cu jboselgi'u .i ku'i pe'i
ba'e na vajni fa lo nu laldygimtai lo bi'u nai jbogi'u .i .a'o lo nu
valsi sepli cu rinka lo nu smuni jimpe


ni'o ni'o ko zanfri rau da
mi'e la .telselkik.
mu'o

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at http://groups.google.com/group/lojban.
For more options, visit https://groups.google.com/d/optout.