Re: [lojban] star (shape)

>ni'o zo ta'ai cu se pilno fi lo nu tavla fi lo valsi tarmi .i mi troci
>lo nu mupli ciksi .i zo ta'ai ta'ai ta'ai .i zo ta'ai ta'ai me'oi va'i
>.i zo me'oi ta'ai me'oi gi'e ta'ai ta'ai .i zo xamgu ta'ai xamgu .i zo
>xamgu na ta'ai ta'ai .i zo lakne ja'a ta'ai xamgu .i zo sorpeka ta'ai
>sorpeka .i zo nonseka ta'ai sorpeka .i xu lo drata cu ta'ai nonseka .i
>.au so'i melbi ta'ai nonseka cu se finti .i xu do jimpe .a'o .i pilno
>fi lo nu valsi tarmi tavla

ni'o je'e do jimpe pe'i .i do terdrata lo valsi lo vo'e stura be lo'i vo'e lerfu pe te le'a lo ka zunsna je'i karsna .i mutce lo ka plixau .e lo ka racli vau pe'i

>ni'o mi tadni lo ta'ai .umgu .i so'u za'a jbovla cu ta'ai .umgu .i .ue
>.u'e zo .idra zasti gi'e ta'ai .umgu li'a gi'e cfika monsuta valsi .i
>so'u spati je danlu ta'ai .umgu cu zasti .i zo .otpi zdile bebna
>jbocitri zasti su'a nai .i su'a ku'i za'a lo jbopre noi vlaxagji cu
>na'e ku'i pilno lo ta'ai .umgu .ue .a'u

ni'o melbi be mi valsi tarmi .i na'e djuno sei da'i do zgana drani lo du'u ma kau na jai se mau pilno

>ni'o mi milxe cunso cuxna zo .umgu gi'e smudu'a ri lo si'o finti lo
>valsi te zu'e lo nu rinka lo nu tcaci .i ba za binxo zo mu'umgu lo
>na'e te morji be fi mi .i zo mu'umgu zo'u: FA finti FE lo nu FI tcaci
>FO .i mi mu'umgu zo mu'umgu lo nu finti lo cinri smuni valsi kei lo
>jbopre .i .ai lo nu pensi lo smuni be zo mu'umgu be'o .e lo nunfi'i cu
>rinka lo nu do'o krici lo du'u cumki fa lo nu finti lo valsi lo nu lo
>cinri cu fasnu .i mu'a peisku da'i lu" la mango jduli pu finti zo
>mu'umgu lo se djica be MJ .i .ia mi zifre lo nu finti lo valsi lo se
>djica be mi .i mi peitce lo si'o broda .i .ai bu'o rodmugzba (to broda
>zei mu'umgu zei zbasu toi) "li'u

ni'o mi lo mukti cu nelci .i li'a zifre lo nu finti lo valsi lo se djica be do .i valsi finti ui dai zifre ie sai .i li'a ji'a sarcu fa lo nu ciksi tu'a lo se valsi ku lo nu terbau snada .i ja'e bo ckire ui do lo nu ciksi

>ni'o zo vanlamigu zo'u: FA gusni fi lo solri gi'e se minra lo lalxu ca
>lo vanci .i mi fa'u la selpa'i cu finti lo smuni fa'u lo vlasna .i
>jbofuvi .i jbojbofu'ivla va'i .i vanci zei lalxu zei minra zei gusni
>.i vacla'umirgu'i .i vanlamigu to'u

ni'o jimpe ki'e .i lo si'o jbofuvi ku mi slabu gi'e se nelci

>ni'o mi finti lo smuni be zo vanlamigu ca lo nu tavla fi lo rafsi
>ciste .i so'u rafsi cu zasti ka'u .i so'a lo zasti cu se xaksu za'a .i
>ku'i cumki li'a nai pei? fa lo nu bramaugau .i mi pilno ra'oi -zoi-
>noi si'au nu'o selpli ku'o lo nu braca'uzba .i mu'a ra'oi -vanzoi- cu
>rafsi ca'e zo vanlamigu .i lo fadni rafsi ciste zo'u: mo'a rafsi cu
>zasti do'e lo nu rafsi zo vanlamigu .i mi mu'umgu ra'oi -vanzoi- lo nu
>bramaurafsyci'epli kei lo jbopre .i ji'a je'u plixau pe'i fa lo nu
>frili tavla fi lo nu vanzoicta

ni'o cinri sidbo pe'i .i na 'e birti lo jei mi fau lo nu da'i mi lobyta'a mutce ku mutce lo ka pilno lo la'e di'e ciste .i ku'i bo tugni do lo du'u pa mai zifre lo la'e di'e nu vlafi'i ku .e re mai lo du'u ka'e plixau .i ku'i ru'e ta'o mi na'e birti lo du'u ma kau korbi pe'a lo si'o pilno lo rafsi pe ci'e lo bi'u nai me do moi lo nu vlazba kei ku kei lo si'o zi'evla zei zbasu .i ku'i na'e vajni preti .i vajni fa lo nu lo melbi valsi cu co'a se pilno

>ni'o zo gismu cu selpli fi lo vrici bau lo glibau za'a .i ku'i na'e
>jbosarxe fa lo nu simsa gasnu bau lo jbobau .i su'a lo gismu cu jicmu
>valsi .i su'a lo gismu cu se rafsi lo ve gismu gi'e pilno fi lo nu
>zmadu pluja valsi zbasu .i su'a nai lo steci poi valsi tarmi cu pu zu
>se pilno fi lo nu zbasu lo laldo gismu poi valsi fi lo jbobau .i su'a
>nai sai! lo ta'ai gismu .e lo ta'ai gimsu .e lo ta'ai smugi cu se
>pilno fi lo pu zu nu gi'uzba .i bau lo glico zo gismu cu se pilno fi
>lo nu tavla fi lo bi'u nai ba'e tarmi .i mi troci lo nu jbosarxe sepli
>tavla fi lo valsi tarmi po'o .e nai lo valsi klesi noi pe'i sepli
>tcini

ni'o ie tugni mutce

>ni'o pe'i vajni fa lo nu lo vajni smuni cu jboselgi'u .i ku'i pe'i
>ba'e na vajni fa lo nu laldygimtai lo bi'u nai jbogi'u .i .a'o lo nu
>valsi sepli cu rinka lo nu smuni jimpe

ni'o .a'o dai mi troci ui ro'e

mi'e .i bu mu'o