Le lundi 29 février 2016 20:48:56 UTC, Ilmen a écrit :
On 28/02/2016 15:08, guskant wrote:
>
> By the way, I use this post for my response to Ilmen on IRC, too.
ŭe ru'e je'e .a'a
>
> --- Day changed Sat Feb 27 2016
> 16:45 < Ilmen> .i lo nu la .guskant. cu ro roi mlauca lo nu la gleki
> cu cusku lu ja'o lo guskanbau cu banzu frica lo jbobau li'u zo'u tu'e
> pu tu'a la .slak. mu'a lo se .irci na se jundi so'i da .i je lo .irci
> na ro roi jundi ja pensi bo mutce cusku .i jo'u ca so'o da lazni cusku
> lo ka'e na mapti lo je'u se jinvi .i mi na'e jimpe lo du'u ki'u ma kau
> tai raktu la .guskant.
>
>
> i di'e danfu i tu'e
> lo raktu be mi cu na zekri iseki'ubo lo go'i cu no'e srana lo ve xatra
> be fi mi
> i ku'i je'u lo nu gubgau lo se du'u la zantufa cu na lojbo cu raktu mi
> i lo nu go'i cu se krinu lo nu mi lo larcu be bau la zantufa cu finti
> gi'e gubgau lo lojbo cecmu
> i va'o lo nu ro lo se jbobau cu krici lo du'u la zantufa cu na lojbo
> kei kei
> no da ka'e se kukte lo larcu be fi'e mi
> i lo nu go'i cu dunli lo nu catra lo finti be lo larcu
> tu'u
je'e .i ku'i na ku la gleki jo'u la .durkas. jo'u la tsani cu ro mei lo
jbopre .i mi mu'a po'o nai na krici lo du'u la zantufa na lojbo .i lo
larcu be do ja'a kukte .i'o
i xoi dei na srana lo ca se casnu se'u mi djuno lo du'u la'au lo no valsi li'u na kukte do vau u'i
no'i xamgu mi fa lo nu su'o lo ca se jbobau cu na jinvi lo du'u la zantufa na lojbo
i ku'i va'o lo nu ro lo se jbobau cu krici lo du'u la zantufa na lojbo kei kei
ro lo larcu be bau la zantufa cu bartu lo te cuxna be fi lo se jbobau be'o no'u lo lojbo larcu
i va'i lo larcu be bau la zantufa cu cirko lo ka ka'e se cuxna
i mi na pante lo nu da ganse lo larcu be fi'e mi gi'e na se kukte
i ku'i mi pante lo nu da gasnu lo nu lo larcu be fi'e mi cu bartu lo te cuxna be fi lo se jbobau
.i ku'i no da zo'u da ka'e pluka ro de .i ku'i .au lo jbopre cu sinma lo
baukle poi drata .i la .tcekitaus. noi baukle ku mu'a cu poi'i su'o
barda ke lojbo larcu cu jai te pilno ke'a to mu'a la za'o fasnu ku pe la
.djemynais. toi .i la .tcekitaus. cu ru'a zmadu tu'a la zantufa lo ni
frica lo ca'irselzau .i je ka'u su'o so'o da na nelci la .tcekitaus. i
ku'i za'a na zukmu'i lo bi'u nai finti lo ka co'u finti .i si'a lo
jbobau xe fanva be la .oz. cu sarxe la nu lo cmevla cu brivla ku noi
si'a frica lo ca'irselzau lo vajni .i xu ku'i banzu lo nu lo bi'u nai xe
fanva cu to'e kukte .i ba'a .a'o lo na zanru be la nu lo cmevla cu
brivla cu ka'e renvi lo ka tcidu ku gi'e to'e ri'a nai se melbi lo lisri
gi'e se pluka lo ka tcidu
i mi na pante lo nu da cusku lo se du'u de frica lo ca'irselzau
i mi tavla fi lo nu da cusku lo se du'u de frica lo jbobau
i mi noroi zgana lo nu da cusku lo se du'u lo jdemynaibau a lo selpa'ibau a lo tcekitaubau cu frica lo jbobau
i ganai da'i fasnu lo se go'i gi da fanta lo nu lo larcu be fi'e la selpa'i a lo drata cu se cuxna lo se jbobau
i ku'i mi na me la selpa'i iseki'ubo mi na djuno lo jei sy pante la'e de'u
i su'a lo te finti be lo larcu cu vrici fi'o fancu lo finti be lo larcu
i mi zo'u mi finti lo larcu lo nu lo se jbobau cu ganse vo'e
iseki'ubo mi pante lo nu da fanta lo nu lo se jbobau cu ganse lo larcu be fi'e mi
i ku'i ganai da'i la selpa'i cu finti lo larcu seva'u lo se selpa'ibau ku po'o
gi pe'i na'e raktu sy fa lo nu da'i da cusku lo se du'u la selpa'ibau cu frica lo jbobau
>
> 16:47 < Ilmen> .i mo va'o lo nu la gleki cu se snuti lo ka na jmina zo
> drata lu lo jbobau li'u .i pu lo nu co'a fengu zo'u xamgu fa lo nu
> reisku lo du'u xu kau lo se cusku cu je'a mapti lo se jinvi .i pe'i lo
> me la zantufa moi cu je'a jbobau .i so'o jbobau cu la'a darno zmadu lo
> ca'irselzau jbobau to mu'a lo me la tcekitaus. moi toi
>
>
> i di'e danfu i tu'e
> ma'i mi lo nu ro lo vrici be lo jbobau cu ka'e se cmene zo jbobau cu
> vajni
> i lo jei da ca'irselzau cu se jdice byfy ije ku'i lo jei da jbobau cu
> se jdice lo se bangu be da be'o .enai lo drata be ri iau pe'i
> i ku'i la gleki e la durkavore e la tsani cu na jinvi lo du'u go'i
> i je'u lo nu go'i cu na zekri gi'e po'o xrani lo pa finti be lo larcu
> be bau la zantufa
> tu'u
>
ro da poi bangu ku'o ro de poi bangu gi'e drata da zo'u tu'e
lo ka djuno lo du'u xu kau da de dunli lo ka baukle ma kau cu na'e frili
.i je ku'i ka'u ra'u fancu lo ka jei mu'a lo se bangu be da ku poi na
selsau de cu to'e ri'a nai ka'e jimpe lo se cusku be bau de tu'u
.i za'a mi jimpe ro se cusku be do .i je ku'i mi no roi zukte fi lo nu
mi cilre fi lo zantufa bangu .i ja'o za'a lo zantufa bangu cu jbobau .i
sa'u nai za'a lo valsi cu smudu'i lo me lo jbobau moi .i je si'au pi
so'a sai rau ju ro lo gerna cu dunli .i ja'o su'o so'a sai va'ei jbobau
.i ja'o sa'u jbobau .i ĭe nai pei
.i mu'a lo loglo bangu na jbobau pe'i .i ki'u bo mi noi se jbobau gi'e
ku'i nu'o tadni lo loglo ku'o va'o lo nu tcidu lo loglo vlamei cu na
jimpe ri .i so'a lo valsi cu fange .i ju lo gerna cu simsa
i mi na jinvi lo du'u lo ka suksa se jimpe cu vajni lo jei jbobau
i lo jbobau cu klesi lo bangu noi se krasi lo loglo ce'o lo se zukte be lylygy
i so'o vrici cu na'e ca'irselzau gi'e ku'i jbobau
i la'e lo jufra be fi lo mutce co frica be lo ca'irselzau cu ka'e na se jimpe lo so'i se jbobau
i ku'i va'o lo nu lo te frica be lo ca'irselzau cu se ciksi kei ji'u lo ca'irselzau ro da ka'e jimpe lo go'i
>
> 16:49 < Ilmen> .i xu pagbu lo fengu krinu fa lo nu la gleki cu cmima
> LLG ja'e lo nu lo tcidu ka'e didni lo du'u lo se cusku be la gleki cu
> sinxa lo ca'irselzau .i pe'i pei lo LLG cmima cu bilga lo ka jmina lu
> lo se cusku be mi na sinxa lo ca'irselzau li'u ji'i ro .irci se cusku
>
>
> i di'e danfu i tu'e
> lo nu la gleki cu cmima lylygy cu nasai srana lo nu mi fengu
> i nabmi fa lo nu
> lo gubgau be lo se du'u de cnino jbobau bei sepi'o lo ka vlipa
> cu du
> lo gubgau be lo se du'u na'e bo de frica lo jbobau
> i sa'u lo simsa be lo go'i cu tadji lo nu pada se krici roda kei pi'o
> la xitlyr .a la stalin
> tu'u
>
ŭa nai ru'e .i ma cnino jbobau
i mi te smuni lu cnino jbobau li'u la'e lo se cusku be la gleki be'o no'u zoizoi modern dialects of Lojban zoi
.i je'u la'a la gleki pu mlauca lo simsa be lu cabycedra jbobau li'u .i
ku'i lo nu xusra lo du'u mu'a su'o ja ro .irci baukle cu cabycedra
jbobau cu na natfe lo du'u lo drata cu cabycedra jbobau .i da'i lo nu zo
po'o .a su'o simsa cu pagbu cu sarcu lo nu natfe .i mi na frimo'i su'o
nu mi ganse lo nu da xusra fe mu'a lo du'u no na .irci baukle cu jbobau
to ku'i mi na li'a ganse ro nu da de di cusku toi
i mi pante genai lo nu da cusku lo se du'u de cabycedra jbobau
gi lo nu da cusku lo se du'u lo drata be de cu na jbobau
i la gleki cu gubgau lo se du'u la zantufa cu na jbobau
i ji'u lo nu go'i kei po'o da'i la gleki na simsa la xitlyr
i ku'i la gleki cu pilno lo ka vlipa tu'a lo catni uebre jo'u lo catni cmene pe la tu'itr jo'u lo samselmri kei lo nu gubgau lo se du'u da cabycedra jbobau
i joigi lo nu tcica fi lo nu lo catni cu curmi lo nu da cabycedra jbobau
gi lo nu gubgau lo se du'u la zantufa cu na jbobau
cu ka'e se jalge lo nu ro da krici lo nu da enai la zantufa cu jbobau
i lo go'i cu dunli lo nu la xitlyr cu pilno lo catni joi na'e catni ke jikca tutci lo nu pa da enai na'e bo da se krici ro de keikei lo ka tadji
.i pe'i lo jbobau pe lo ca .irci cu cabycedra jbobau .i ku'i ro jbobau
poi drata gi'e se pilno ca lo ca'abna cedra su'o da cu si'a cabycedra
va'i jbobau .i na nibli lo du'u xamgu gi'a xagmau lo purci jbobau kei .a
lo du'u ca'irselsau .i sa'u ca lo cabna cu se pilno su'o da
.i .a'o lo dei se cusku be mi cu srana lo se cusku be do ku noi la'a mi
na'e .u'u ke drani jimpe
i ke'u mi na pante lo nu da cusku lo se du'u de cabycedra jbobau
i mi pante lo nu la gleki cu pilno lo ka vlipa tu'a lo catni uebre jo'u lo catni cmene pe la tu'itr jo'u lo samselmri kei ja'e lo nu tcica lo se jbobau
>
> mi'e la guskant jo'au zantufa xi papipapa mu'o
>
mi'e la .ilmen. jo'au su'o .a'o jmifrili mu'o
i je'u jmifrili
mi'e la guskant jo'au zantufa xi papipapa mu'o