Re: [lojban] Open letter to LLG

de'i li 2016:03:01 la .guskant. di'e cusku

Le lundi 29 février 2016 20:48:56 UTC, Ilmen a écrit :

je'e .i ku'i na ku la gleki jo'u la .durkas. jo'u la tsani cu ro mei lo
jbopre .i mi mu'a po'o nai na krici lo du'u la zantufa na lojbo .i lo
larcu be do ja'a kukte .i'o

i xoi dei na srana lo ca se casnu se'u mi djuno lo du'u la'au lo no valsi li'u na kukte do vau u'i

na ku lu lo no valsi li'u to'e kukte mi .i sa'u nai mi so'u va'ei jinvi fi ri .i mi sruma lo du'u za'e suzmei panra lo kunti zilcmi ja'e lo nu lo no valsi lo no pavyseljirna ku mu'a mintu .i ku'i mi birti no srana .i sa'u nu'o srana pensi mutce

no'i xamgu mi fa lo nu su'o lo ca se jbobau cu na jinvi lo du'u la zantufa na lojbo

i ku'i va'o lo nu ro lo se jbobau cu krici lo du'u la zantufa na lojbo kei kei

ro lo larcu be bau la zantufa cu bartu lo te cuxna be fi lo se jbobau be'o no'u lo lojbo larcu

i va'i lo larcu be bau la zantufa cu cirko lo ka ka'e se cuxna

i mi na pante lo nu da ganse lo larcu be fi'e mi gi'e na se kukte

i ku'i mi pante lo nu da gasnu lo nu lo larcu be fi'e mi cu bartu lo te cuxna be fi lo se jbobau

mi jimpe

.i ku'i no da zo'u da ka'e pluka ro de .i ku'i .au lo jbopre cu sinma lo
baukle poi drata .i la .tcekitaus. noi baukle ku mu'a cu poi'i su'o
barda ke lojbo larcu cu jai te pilno ke'a to mu'a la za'o fasnu ku pe la
.djemynais. toi .i la .tcekitaus. cu ru'a zmadu tu'a la zantufa lo ni
frica lo ca'irselzau .i je ka'u su'o so'o da na nelci la .tcekitaus. i
ku'i za'a na zukmu'i lo bi'u nai finti lo ka co'u finti .i si'a lo
jbobau xe fanva be la .oz. cu sarxe la nu lo cmevla cu brivla ku noi
si'a frica lo ca'irselzau lo vajni .i xu ku'i banzu lo nu lo bi'u nai xe
fanva cu to'e kukte .i ba'a .a'o lo na zanru be la nu lo cmevla cu
brivla cu ka'e renvi lo ka tcidu ku gi'e to'e ri'a nai se melbi lo lisri
gi'e se pluka lo ka tcidu

i mi na pante lo nu da cusku lo se du'u de frica lo ca'irselzau

i mi tavla fi lo nu da cusku lo se du'u de frica lo jbobau

i mi noroi zgana lo nu da cusku lo se du'u lo jdemynaibau a lo selpa'ibau a lo tcekitaubau cu frica lo jbobau

i ganai da'i fasnu lo se go'i gi da fanta lo nu lo larcu be fi'e la selpa'i a lo drata cu se cuxna lo se jbobau

i ku'i mi na me la selpa'i iseki'ubo mi na djuno lo jei sy pante la'e de'u

i su'a lo te finti be lo larcu cu vrici fi'o fancu lo finti be lo larcu

i mi zo'u mi finti lo larcu lo nu lo se jbobau cu ganse vo'e

iseki'ubo mi pante lo nu da fanta lo nu lo se jbobau cu ganse lo larcu be fi'e mi

i ku'i ganai da'i la selpa'i cu finti lo larcu seva'u lo se selpa'ibau ku po'o

gi pe'i na'e raktu sy fa lo nu da'i da cusku lo se du'u la selpa'ibau cu frica lo jbobau

je'e

ro da poi bangu ku'o ro de poi bangu gi'e drata da zo'u tu'e
lo ka djuno lo du'u xu kau da de dunli lo ka baukle ma kau cu na'e frili
.i je ku'i ka'u ra'u fancu lo ka jei mu'a lo se bangu be da ku poi na
selsau de cu to'e ri'a nai ka'e jimpe lo se cusku be bau de tu'u
.i za'a mi jimpe ro se cusku be do .i je ku'i mi no roi zukte fi lo nu
mi cilre fi lo zantufa bangu .i ja'o za'a lo zantufa bangu cu jbobau .i
sa'u nai za'a lo valsi cu smudu'i lo me lo jbobau moi .i je si'au pi
so'a sai rau ju ro lo gerna cu dunli .i ja'o su'o so'a sai va'ei jbobau
.i ja'o sa'u jbobau .i ĭe nai pei

.i mu'a lo loglo bangu na jbobau pe'i .i ki'u bo mi noi se jbobau gi'e
ku'i nu'o tadni lo loglo ku'o va'o lo nu tcidu lo loglo vlamei cu na
jimpe ri .i so'a lo valsi cu fange .i ju lo gerna cu simsa

i mi na jinvi lo du'u lo ka suksa se jimpe cu vajni lo jei jbobau

i lo jbobau cu klesi lo bangu noi se krasi lo loglo ce'o lo se zukte be lylygy

i so'o vrici cu na'e ca'irselzau gi'e ku'i jbobau

i la'e lo jufra be fi lo mutce co frica be lo ca'irselzau cu ka'e na se jimpe lo so'i se jbobau

i ku'i va'o lo nu lo te frica be lo ca'irselzau cu se ciksi kei ji'u lo ca'irselzau ro da ka'e jimpe lo go'i

ŭa nai ru'e .i ma cnino jbobau

i mi te smuni lu cnino jbobau li'u la'e lo se cusku be la gleki be'o no'u zoizoi modern dialects of Lojban zoi

.i je'u la'a la gleki pu mlauca lo simsa be lu cabycedra jbobau li'u .i
ku'i lo nu xusra lo du'u mu'a su'o ja ro .irci baukle cu cabycedra
jbobau cu na natfe lo du'u lo drata cu cabycedra jbobau .i da'i lo nu zo
po'o .a su'o simsa cu pagbu cu sarcu lo nu natfe .i mi na frimo'i su'o
nu mi ganse lo nu da xusra fe mu'a lo du'u no na .irci baukle cu jbobau
to ku'i mi na li'a ganse ro nu da de di cusku toi

i mi pante genai lo nu da cusku lo se du'u de cabycedra jbobau

gi lo nu da cusku lo se du'u lo drata be de cu na jbobau

i la gleki cu gubgau lo se du'u la zantufa cu na jbobau

i ji'u lo nu go'i kei po'o da'i la gleki na simsa la xitlyr

i ku'i la gleki cu pilno lo ka vlipa tu'a lo catni uebre jo'u lo catni cmene pe la tu'itr jo'u lo samselmri kei lo nu gubgau lo se du'u da cabycedra jbobau

i joigi lo nu tcica fi lo nu lo catni cu curmi lo nu da cabycedra jbobau

gi lo nu gubgau lo se du'u la zantufa cu na jbobau

cu ka'e se jalge lo nu ro da krici lo nu da enai la zantufa cu jbobau

i lo go'i cu dunli lo nu la xitlyr cu pilno lo catni joi na'e catni ke jikca tutci lo nu pa da enai na'e bo da se krici ro de keikei lo ka tadji

ni'o lu pilno lo ka vlipa li'o sa'a kei lo nu gubgau lo se du'u da cabycedra jbobau li'u jo'u lu lo nu tcica fi lo nu lo catni cu curmi lo nu da cabycedra jbobau li'u zo'u tu'e ŭa nai ru'e .i xu lo catni na curmi lo nu su'o da cabycedra jbobau tu'u

ni'o mi na pu zgana lo nu lo zo .lojban. jaspu pe la gleki je pe lo nunjikca kibystu cu cusku ma kau .i ku'i ru'a .a'o na pilno ri'oi jaspu lo ka xusra lo du'u la zantufa na lojbo

ni'o lu lo nu gubgau lo se du'u la zantufa cu na jbobau li'u zo'u tu'e mi na birti lo du'u xu kau lo bi'u nai .irci se cusku be la gleki cu bi'ai nibli lo du'u la zantufa bangu na jbobau .i cusku lu banzu frica lo jbobau li'u ti'e .i ku'i lo ka se sinxa lu lo jbobau li'u cu fancuka tu'a lo smuni munje pe lo cusku je pe ca lo nu cusku .i mu'a ca lo nu cusku lu lo gerku ca sipna li'u zo'u na ĭe nai pei bi'ai nibli lo du'u ro gerku pe la terdi ca sipna .i ru'a cumki fa lo nu ca lo nu cusku lu lo jbobau li'u cu pensi lo ca'irselzau jbobau ku po'o
.i li'a mi na ka'e djuno lo du'u lo smuni munje pe lo nu la gleki cu cusku cu mo kau .i mi na djuno tu'a lo smuvanbi .i ku'i lo nu mi capyju'i cu fauxlu lo nu mi na didni lo du'u bi'ai ku la gleki cu smusku lo nibli be lo du'u lo bangu pe la zantufa na jbobau

ni'o ku'i ke'u mi na pu ganse ro lo se cusku jo'u lo se tarti vu'o poi jai rinka lo nu do fengu .i lo cmalu slabu be mi cu .olkai lo ka mi ka'e piksku fi ce'u .i li'a lo nu da'i gau da su'o se cusku pe ga lo ca'irselzau simlu jaspu pe la .tu'itr. gi lo ralju kibystu cu selpau lu lo bangu pe la zantufa na jbobau li'u mu'a cu da'i se tolzau mi ju'o

.i pe'i lo jbobau pe lo ca .irci cu cabycedra jbobau .i ku'i ro jbobau
poi drata gi'e se pilno ca lo ca'abna cedra su'o da cu si'a cabycedra
va'i jbobau .i na nibli lo du'u xamgu gi'a xagmau lo purci jbobau kei .a
lo du'u ca'irselsau .i sa'u ca lo cabna cu se pilno su'o da
.i .a'o lo dei se cusku be mi cu srana lo se cusku be do ku noi la'a mi
na'e .u'u ke drani jimpe

i ke'u mi na pante lo nu da cusku lo se du'u de cabycedra jbobau

i mi pante lo nu la gleki cu pilno lo ka vlipa tu'a lo catni uebre jo'u lo catni cmene pe la tu'itr jo'u lo samselmri kei ja'e lo nu tcica lo se jbobau

>
> mi'e la guskant jo'au zantufa xi papipapa mu'o
>
mi'e la .ilmen. jo'au su'o .a'o jmifrili mu'o

i je'u jmifrili

mi'e la guskant jo'au zantufa xi papipapa mu'o

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.