Le samedi 12 mars 2016 16:42:15 UTC, Ilmen a écrit :
na ku lu lo no valsi li'u to'e kukte mi .i sa'u nai mi so'u va'ei
jinvi fi ri .i mi sruma lo du'u za'e suzmei panra lo kunti zilcmi
ja'e lo nu lo no valsi lo no pavyseljirna ku mu'a mintu .i ku'i mi
birti no srana .i sa'u nu'o srana pensi mutce
i lu lo no valsi li'u noi cmene lo selsa'a cu srana lo mi prosa no'u la'e di'e
i zoizoi
https://mw.lojban.org/papri/gadri:_an_unofficial_commentary_from_a_logical_point_of_view#Cannot_say_zero
zoi
i sa'u gau mi lo selsa'a cu ranxi lo nu lu lo no broda li'u cu se tamgau no lo ca'irselzau
ni'o lu pilno lo ka vlipa li'o sa'a kei lo nu gubgau lo se du'u da
cabycedra jbobau li'u jo'u lu lo nu tcica fi lo nu lo catni cu curmi
lo nu da cabycedra jbobau li'u zo'u tu'e ŭa nai ru'e .i xu lo catni
na curmi lo nu su'o da cabycedra jbobau tu'u
i na curmi ije na tolcru
i lo zekri be la gleki cu nu tcica lo se jbobau lo nu lo se jbobau cu krici lo du'u lo catni cu sarji lo nu ba'e lo su'o bangu noi la gleki cu ctuca fo ke'a cu cabycedra jbobau
i ku'i fatci fa lo nu lo catni cu jinvi no da lo ka cabycedra jbobau
ni'o mi na pu zgana lo nu lo zo .lojban. jaspu pe la gleki je pe lo
nunjikca kibystu cu cusku ma kau .i ku'i ru'a .a'o na pilno ri'oi
jaspu lo ka xusra lo du'u la zantufa na lojbo
i .ie
ni'o lu lo nu gubgau lo se du'u la zantufa cu na jbobau li'u zo'u
tu'e mi na birti lo du'u xu kau lo bi'u nai .irci se cusku be la
gleki cu bi'ai nibli lo du'u la zantufa bangu na jbobau .i cusku lu
banzu frica lo jbobau li'u ti'e .i ku'i lo ka se sinxa lu lo jbobau
li'u cu fancuka tu'a lo smuni munje pe lo cusku je pe ca lo nu cusku
.i mu'a ca lo nu cusku lu lo gerku ca sipna li'u zo'u na ĭe nai pei
bi'ai nibli lo du'u ro gerku pe la terdi ca sipna .i ru'a cumki fa
lo nu ca lo nu cusku lu lo jbobau li'u cu pensi lo ca'irselzau
jbobau ku po'o
.i li'a mi na ka'e djuno lo du'u lo smuni munje pe lo nu la gleki cu
cusku cu mo kau .i mi na djuno tu'a lo smuvanbi .i ku'i lo nu mi
capyju'i cu fauxlu lo nu mi na didni lo du'u bi'ai ku la gleki cu
smusku lo nibli be lo du'u lo bangu pe la zantufa na jbobau
i je'u lo smuni cu ka'e vrici lo ka casnu munje ije lo smuni be fi mi cu ka'e frica lo smuni be fi la gleki
i ba'e lo nu go'i cu krinu lo nu mi cusku zoizoi I regard that zoi gi'e na'e pante tu'a lo smuni be lo se cusku be la gleki be'o bei mi
i mi pante naku ji'u lo ka'e vrici lo ka smuni
i lo ve xatra cu po'o du'u pante lo pavysmu zekri be zu'e la gleki
ni'o ku'i lo smuni be lo se cusku be la gleki be'o bei mi cu se jicmu so'o lo fatci
i mu'a tu'e
i la gleki cu cusku lo se du'u lo so'o na'e ca'irselzau cu cabycedra jbobau
i la gleki cu sarji lo nu zenba fa lo pilno be lo so'o na'e ca'irselzau kei sepi'o lo vo'a ctuca papri
i la gleki cu so'o roi cusku lu mabla mabla li'u fi'o te tavla la zantufa
i la gleki cu cusku lu lo guskanbau cu banzu frica lo jbobau li'u fi'o te tavla la zantufa
tu'u
i ji'u la'e di'u mi jinvi lo du'u la gleki cu xebni la zantufa gi'e gasnu lo nu la zantufa cu bartu lo cabycedra lojbo noi zabna fi la gleki
i la'a do jinvi lo frica be lo se jinvi be mi vau .e'a
i li'a la gleki cu pante tu'a lo se jinvi be mi vau .e'a
i mi pante genai tu'a lo se jinvi noi ka'e vrici gi ku'i lo po'o pavysmu zekri be zu'e la gleki be'o noi ve xatra
ni'o ku'i ke'u mi na pu ganse ro lo se cusku jo'u lo se tarti vu'o
poi jai rinka lo nu do fengu .i lo cmalu slabu be mi cu .olkai lo ka
mi ka'e piksku fi ce'u .i li'a lo nu da'i gau da su'o se cusku pe ga
lo ca'irselzau simlu jaspu pe la .tu'itr. gi lo ralju kibystu cu
selpau lu lo bangu pe la zantufa na jbobau li'u mu'a cu da'i se
tolzau mi ju'o
i lo nu mi pante lo zekri be zu'e la gleki cu se mukti lo nu la gleki cu gasnu lo nu la zantufa cu bartu lo'i lojbo keikei
ije ku'i lo zekri be zu'e la gleki cu na se rinka lo nu mi fengu
i ki'unai gi da'i mi co'u fengu gi lo zekri be zu'e la gleki cu na'e se vimcu
mi'e la guskant jo'au zantufa mu'o