Re: [lojban] Open letter to LLG

2016-03-13 13:09 GMT+03:00 guskant <gusni.kantu@gmail.com>:

Le samedi 12 mars 2016 16:42:15 UTC, Ilmen a écrit :

na ku lu lo no valsi li'u to'e kukte mi .i sa'u nai mi so'u va'ei jinvi fi ri .i mi sruma lo du'u za'e suzmei panra lo kunti zilcmi ja'e lo nu lo no valsi lo no pavyseljirna ku mu'a mintu .i ku'i mi birti no srana .i sa'u nu'o srana pensi mutce

i lu lo no valsi li'u noi cmene lo selsa'a cu srana lo mi prosa no'u la'e di'e
i zoizoi
https://mw.lojban.org/papri/gadri:_an_unofficial_commentary_from_a_logical_point_of_view#Cannot_say_zero
zoi
i sa'u gau mi lo selsa'a cu ranxi lo nu lu lo no broda li'u cu se tamgau no lo ca'irselzau

ni'o lu pilno lo ka vlipa li'o sa'a kei lo nu gubgau lo se du'u da cabycedra jbobau li'u jo'u lu lo nu tcica fi lo nu lo catni cu curmi lo nu da cabycedra jbobau li'u zo'u tu'e ŭa nai ru'e .i xu lo catni na curmi lo nu su'o da cabycedra jbobau tu'u

i na curmi ije na tolcru
i lo zekri be la gleki cu nu tcica lo se jbobau lo nu lo se jbobau cu krici lo du'u lo catni cu sarji lo nu ba'e lo su'o bangu noi la gleki cu ctuca fo ke'a cu cabycedra jbobau

i ma co'a krici i mi klina pe'i pe'a xusra lo du'u lo se finti be mi nu'o bredi

i ku'i fatci fa lo nu lo catni cu jinvi no da lo ka cabycedra jbobau

ni'o mi na pu zgana lo nu lo zo .lojban. jaspu pe la gleki je pe lo nunjikca kibystu cu cusku ma kau .i ku'i ru'a .a'o na pilno ri'oi jaspu lo ka xusra lo du'u la zantufa na lojbo

i .ie

ni'o lu lo nu gubgau lo se du'u la zantufa cu na jbobau li'u zo'u tu'e mi na birti lo du'u xu kau lo bi'u nai .irci se cusku be la gleki cu bi'ai nibli lo du'u la zantufa bangu na jbobau .i cusku lu banzu frica lo jbobau li'u ti'e .i ku'i lo ka se sinxa lu lo jbobau li'u cu fancuka tu'a lo smuni munje pe lo cusku je pe ca lo nu cusku .i mu'a ca lo nu cusku lu lo gerku ca sipna li'u zo'u na ĭe nai pei bi'ai nibli lo du'u ro gerku pe la terdi ca sipna .i ru'a cumki fa lo nu ca lo nu cusku lu lo jbobau li'u cu pensi lo ca'irselzau jbobau ku po'o
.i li'a mi na ka'e djuno lo du'u lo smuni munje pe lo nu la gleki cu cusku cu mo kau .i mi na djuno tu'a lo smuvanbi .i ku'i lo nu mi capyju'i cu fauxlu lo nu mi na didni lo du'u bi'ai ku la gleki cu smusku lo nibli be lo du'u lo bangu pe la zantufa na jbobau

i je'u lo smuni cu ka'e vrici lo ka casnu munje ije lo smuni be fi mi cu ka'e frica lo smuni be fi la gleki
i ba'e lo nu go'i cu krinu lo nu mi cusku zoizoi I regard that zoi gi'e na'e pante tu'a lo smuni be lo se cusku be la gleki be'o bei mi
i mi pante naku ji'u lo ka'e vrici lo ka smuni
i lo ve xatra cu po'o du'u pante lo pavysmu zekri be zu'e la gleki

ni'o ku'i lo smuni be lo se cusku be la gleki be'o bei mi cu se jicmu so'o lo fatci
i mu'a tu'e
i la gleki cu cusku lo se du'u lo so'o na'e ca'irselzau cu cabycedra jbobau

i uanai i ma mupli

i la gleki cu sarji lo nu zenba fa lo pilno be lo so'o na'e ca'irselzau kei sepi'o lo vo'a ctuca papri

i na jetnu i ni'i ma do tai jinvi

i la gleki cu so'o roi cusku lu mabla mabla li'u fi'o te tavla la zantufa

ie ie i ba'e mi cusku i mi ca'o tai jinvi

i la gleki cu cusku lu lo guskanbau cu banzu frica lo jbobau li'u fi'o te tavla la zantufa

i jetnu i ma nabmi i mi ca'o jinvi lo du'u na jbobau

tu'u
i ji'u la'e di'u mi jinvi lo du'u la gleki cu xebni la zantufa gi'e gasnu lo nu la zantufa cu bartu lo cabycedra lojbo noi zabna fi la gleki

i mi zanru no lojbo i sa'u mi troci lo ka sidju lo drata jbopre lo ka tadni

i ku'i lo nintadni pu so'iroi co'u tadni lo lojbo i ki'u bo ny xebni lo nu la lojban cu cenba

i la'a do jinvi lo frica be lo se jinvi be mi vau .e'a
i li'a la gleki cu pante tu'a lo se jinvi be mi vau .e'a

i li'a

i mi pante genai tu'a lo se jinvi noi ka'e vrici gi ku'i lo po'o pavysmu zekri be zu'e la gleki be'o noi ve xatra

ni'o ku'i ke'u mi na pu ganse ro lo se cusku jo'u lo se tarti vu'o poi jai rinka lo nu do fengu .i lo cmalu slabu be mi cu .olkai lo ka mi ka'e piksku fi ce'u .i li'a lo nu da'i gau da su'o se cusku pe ga lo ca'irselzau simlu jaspu pe la .tu'itr. gi lo ralju kibystu cu selpau lu lo bangu pe la zantufa na jbobau li'u mu'a cu da'i se tolzau mi ju'o

i lo nu mi pante lo zekri be zu'e la gleki cu se mukti lo nu la gleki cu gasnu lo nu la zantufa cu bartu lo'i lojbo keikei

i ie ba'e mi jinvi lo du'u lo bangu pe la zantufa cu banzu frica lo jbobau

ije ku'i lo zekri be zu'e la gleki cu na se rinka lo nu mi fengu
i ki'unai gi da'i mi co'u fengu gi lo zekri be zu'e la gleki cu na'e se vimcu

mi'e la guskant jo'au zantufa mu'o

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.