la .ilmen. pu skuna si cusku «lu
pagbu lo vlamei pe la nicte cadzu fa di'e.i se ki'u bo nergau le cmalu dargu.i .y gau nenri fa le cmalu dargu ba'e ma
li'u» .i ri zo'upe'i pu djica tu'a «lu x1 gasnu lo nu x1 nenri x2 li'u» .i li'a zo ‹nerkla› ca ti fadni .i je zo ‹nergau› smudu'i «lu x1 gasnu lo nu x2 nenri x3 li'u»
.i ta'o la cirko xa'o pu zi jmina re cfila la'e https://mw.lojban.org/papri/la_nicte_cadzu_Errata
.i «lu mabla bacru li'u» zo'u, zo ‹malvla› zasti .i ku'i ju'o cu'i su'o se pagbu be zo ‹dapma› cu mapti .i na ku mi jinvi lo du'u zo ‹mabla› na mapti .i ku'i mi na'e birti lo du'u ri tsalyrau[1] .i zoi gy. x1 curses .gy mu'a .i pe'i zo ‹malsku› na raunzu
.i ta'o «lu lo cmalu dargu poi jai jdika lo ni cadzu li'u» zo'u, ca ba'e *ma* jdika .i ge'i sa'u lo cmalu dargu cu mleca lo ralju dargu ku noi la .susan. ca'o zvati ku'o lo ka xo kau da ca'o cadzu ce'u gi lo cmalu dargu ca ze'a pu jdika lo ka ta'e ku xo kau da cadzu ke'a .i pe'i lo nu na jmina su'o temci valsi cu bapli lo nu lo ra'abri fasnu cu fasnu ca lo ralju bridi fasnu .i mi senpi lo du'u lo pa moi cu fasnu kei ki'u lo nu je'u ba'e *no* drata be la .susan. cu zvati lo cmalu dargu .i ja'o simlu lo ka na mapti
~~~mi'e la selpa'i --- [1]: zo ‹tsalyrau› zo'u ra'oi -rau- se stidi rafsi zo ‹raunzu› -- You received this message because you are subscribed to the Google Groups "lojban" group. To unsubscribe from this group and stop receiving emails from it, send an email to lojban+unsubscribe@googlegroups.com. To post to this group, send email to lojban@googlegroups.com. Visit this group at https://groups.google.com/group/lojban. For more options, visit https://groups.google.com/d/optout.