[Date Prev][Date Next][Thread Prev][Thread Next][Date Index][Thread Index]
Re: [lojban] lo tcidu bende pe la nicte cadzu — 1moi lo spisa
la .ciŭak. cu skuna di'e
Dnia 24 kwietnia 2016 20:08:34 selpahi <seladwa@gmx.de> napisał(a):
| ni'o pa pi pa mo'o nu cadzu
.u'e
| .i .e'u nai cai la nicte cadzu ba mulno spogau lo se terpa da poi fanva
| dei lo na logji bangu
zo na sko'opu lo mulno selbri vau se'o .i jalge fa lo nu smudu'i lu
logji na ja nai bangu .i re mai ma prali fi lo nu xusra lo du'u bangu
kei do'e lo bangu terbri .i ci mai xu nai skudji lu li'o ba'e sa'a fo lo
na logji li'o li'u .i cizra
pa mai, zo ‹na› sko'opu lo pritu poi pagbu lo bridi poi zo ‹na› pagbu
ke'a .i zo ‹na› no roi sko'opu lo bartymau bridi
.i «lu broda lo na brode li'u» zo'u zo ‹na› pinfu lo bridi pe zo ‹lo›
(to mu'a «lu lo poi'i ke'a na brode li'u» toi) .i na sko'opu lo bartu ku
no'u zo ‹broda›
.i re mai, «lu fanva dei lo na logji bangu zo'u» drani pe'i .i ku'i ca
lo nu pa re'u co'a tcidu na ka'e djuno lo du'u ma kau krinu .i lo palci
crida pe lo lisri na kakne tu'a lo jbobau .i se ki'u bo lo nu fanva fi
lo glico ku mu'a cu xlali lo djica be lo nu lo crida na facki lo du'u ma
kau se lisri
| ni'o la susan cu zgana lo cmalu dargu poi jai jdika lo ni cadzu .i ku'i
| mutce manku gi'e se terpa .i ku'i sy peisku lo glico panra be lu na srana
.u'i .i ma'a pu cmila xu nai .i ku'i mi ca jijnu fi le mipri smuni .i
da'i djica lo ka cusku lo jbopanra be zoi gy. doesn't matter .gy .i .u'i
fliba za'a
mi sruma lo simsa .i lo nu ma basti zo ‹srana› cu xamgu .i zo ‹vajni› ja
zo ‹nabmi› dramau gi'e ku'i na cinri
| .i lo sluji be fi mi cu xamgu .i mi pu tadni lo nu damba ca lo nu
| mi citno .i mi ka'e kurji mi li'u .i se ki'u bo nergau le cmalu dargu .i
| sy gasnu co zenba jdari jgari lo kosta mu'i lo nu le dargu canlu cu
| lenku gi'e ji'a mutce zmadu lo vi drata dargu canlu lo ka lenku .i sy
| zgana lo nu la'e di'u cu mutce cizra .i se mu'i bo zenba sutra cadzu
.ua nai xu sutra lo ka zenba
li'armi mi fa lo du'u zenba lo ka sutra lo ka cadzu .i ĭe na prane tanru
| ba zi bo sy facki lo du'u lo bitmu cu fanmo le dargu .i le bitmu cu
| rufsu .i se ri'a bo sy cortu le xance
.i ca'e dai mi cortu le xance vau .i'a
xajmi pagbu .i .emje fa lo nu lo midju be lo rinka linsi na zvati
| .i sy carna fi lo te cliva be le bitmu pu'o lo nu sy zgana lo nu lo
| bitmu cu te gusni lo crane lo grusi
le lisri zo'u xajmi fa le selsre .i mi denpa tu'a le bavlamdei vau .ui
.i ko morji fi le gerna noi satci je nai
le tidgri zo'u ko te cmene ri zo'ai na srana .i la na srana ku .e'u sai
na srana
~~~mi'e la selpa'i
--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.