Re: [lojban] Re: lu mi za'o citno li'u

Le vendredi 3 juin 2016 12:24:23 UTC, selpa'i a écrit :

.i pe'i zo ‹nu› ja'a frica zo ‹du'u› .i ku'i so'o da kucli lo du'u xu
kau plixau fa lo nu ba'e bilga lo ka cusku «lu djuno lo du'u broda li'u»
kei ki'u lo nu zo ‹djuno› jai te pilno zo ‹du'u› po'o .i ga nai lo nu
cusku «lu djuno lo nu broda li'u» na cumki ja smudra gi lo nu xu kau
pilno zo ‹du'u‹ ji kau zo ‹nu› na vajni

.i lo mupli be lo nu ge zo ‹nu› gi zo ‹du'u› smudra cu so'u mei .i lo nu
broda na du'u broda .i ko'a pensi lo nu broda kei je lo du'u broda

.i zu'u nai ko'a sruma lo ba'e *du'u* broda kei gi'e kanpe lo ba'e *nu*
broda

.i ko'a na pacna lo se krici be ko'e .i ko'a krici lo jai se krici be
ko'e bei fai lo ka fasnu

.i se gu zo ‹nu› zo ‹du'u› smufrica (to pe'i ja'a smufrica toi) gi so'i
roi fanza fa lo nu di'i bilga lo ka juxre galfi ga lo bridi lo fasnu gi
lo fasnu lo bridi

je'e

i la'a ma'a ka'e finti lo cnino ke selbrisle tcita (to ei cmavo ma'oi JAI toi) noi galfi fe fa'u fi lo smuni be zo nu fi fa'u fe lo smuni be zo du'u

i ku'i mi tugni do lo du'u fanza fa la'e di'u

i ma'i mi zo'u zo du'u fancu lo sinxa lo smuni ije zo nu fancu lo sinxa lo fasnu

i ku'i pe'i ma'i lo na'e zanru be la facti ismo zo'u no da te frica lo smuni lo fasnu

> ni'o ma'oi POIhA zo'u la maftufa jo'u la maltufa cu se pagbu
> i ku'i ma'i la zantufa noi jai prami lo ka sampu zo'u ro lo di'u cmavo
> cu ei cmina ma'oi FIhO
> i mi jimpe lo du'u do djica lo nu lu POIhA selbri li'u cu e'i na'e tcita
> lo sumti
> i ku'i fi'o se pensi mu'a lo nu ma'oi CAhA ka'e tcita lo sumti gi'e na'e
> se tamgau kei
> no da krinu lo nu lu POIhA selbri li'u cu e'i na'e tcita lo sumti
> i ganai da'i ro lo cmavo be ma'oi CAhA cu muvdu ma'oi NA gi mi ji'a ka'e
> pensi lo nu finti ma'oi POIhA

cinri se darlu .i la'a traji lo ka vajni kei fa lo nu mu'a «lu lo soi'a
cafne fe'u bajra li'u» gendra

.i lo nu sampu cu vajni mi ji'a .i ku'i mi na'e nelci lo gerna javni poi
cupra so'i gendra poi no roi ka'e smudra .i «lo'u poi'a broda fe'u ko'a
le'u» (to tcita zo ‹ko'a› toi) cu mupli .i ga'a do ma'oi CAhA simsa (to
ku'i za'u pa da pu stidi lo du'u «lu ka'e ko'a broda li'u» smudu'i «lu
lo nu broda cu cumki [va'o] ko'a li'u» .i va'i lo nu smujdi fi su'o
plixau cu cumki gi'u melbi .i ku'i lo nu ma'oi CAhA muvdu ma'oi NA cu se
jalge tu'a «lo'u ko'a ka'e je ko'e le'u»

mi jinvi lo du'u ganai da gendra gi da ka'e smudra

i mi puji'a jimpe lo du'u do djica lo nu lu poi'a broda fe'u ko'a li'u no roi ka'e smudra keikei

i se mu'i bo mi jmina ma'oi POIhA noi frica ma'oi FIhO ku'o la maftufa

i ku'i ma'i la zantufa lo cmavo be ma'oi POIhA ne la maftufa cu cmavo ma'oi FIhO

i va'o lo nu go'i kei to'e ki'u nai lo nu pu'iku ro da tamgau « lu poi'a broda fe'u ko'a li'u » no de kei zo'u

ka'eku su'o pilno be la zantufa cu tamgau « lu ko'e brode poi'a broda fe'u ko'a li'u » di poi se mupli « lu lo nu ko'e brode cu fasnu gi'e broda i ko'a ji'a broda li'u »

i lo nu go'i ka'e raktu lo pilno be ma'oi POIhA pe la maftufa

i ku'i va'o lo nu pilno zo jo'au kei « lu poi'a broda fe'u ko'a ko'e brode li'u » na'e ka'e smuvrici

i sa'u pe'i lo jei smudra cu se jdice lo ke pilno ju finti ke'e be lo cmavo

ni'o ma'oi CAhA zo'u mi na se vajni lo nu da tamgau « lu ka'e ko'a broda li'u » « lu lo nu broda cu cumki [va'o] ko'a li'u »

i ku'i ma'i lo si'o lojyske kei lo cmavo be ma'oi CAhA cu simsa ma'oi NA lo ka gerna je lo ka galfi lo ka jetnu

i sa'unai lo da'i di'e te tamgau cu melbi co sarxe lo modal logji pe la kripkes

i tu'e

zo ca'a tcita lu'e lo bridi lo du'u ro da poi cumki munje zo'u lo bridi cu jetnu da (to smudu'i zo bi'ai pe la ilmen toi)

i zo ka'e tcita lu'e lo bridi lo du'u su'o da poi cumki munje zo'u lo bridi cu jetnu da

i zo pu'i tcita lu'e lo bridi lo du'u su'o da poi cumki munje zo'u lo bridi cu jetnu da ije lo cusku be vo'a cu cmima da (to'i zantufa lu'ei I JOI li'au toi)

i zo nu'o tcita lu'e lo bridi lo du'u su'o da poi cumki munje ku'o su'o de poi cumki munje zo'u lo bridi cu jetnu da ije lo bridi cu jitfa de ije lo cusku be vo'a cu cmima de (to'i zantufa lu'ei I JOI li'au toi)

tu'u

i va'o lo nu lo di'u cmavo cu cmima ma'oi NA kei ma'a ka'e tamgau « lo'u ko'a ka'e je ko'e le'u » « lu ko'a ka'e co'e ije ko'e co'e li'u » noi simsa lo te tamgau be « lu ko'a na je ko'e li'u »

i ku'i vajni mi fa lo nu lo di'u cmavo joi zo na cu cmima lo pa selma'o

i ja'o zabna fi mi fa ji'a sei fatne se'u lo nu lo cmavo be ma'oi NA cu muvdu ma'oi CAhA soi ku'i la tag ji'a cu ei gau tcita lo jonma'o ja'e lo nu barda co cenba

i va'o lo da'i go'i ka'eku da tamgau lo'u na ko'a broda le'u de poi se mupli « lu lo nu broda cu natfe ko'a li'u » soi na'e vajni mi

.i nandu mi fa lo ka jdice lo du'u mi trajynei ma kau .i .a'o so'i drata
cu pagzu'e lo nuncasnu

i mi na'e pacna lo nu su'o se jbobau cu jundi lo te tavla be fi mi bei mu'u la'e de'u kei

i ki'u bo mi ca djuno lo du'u so'i se ke cnano xo'o jbobau cu na'e se vajni lo ka sarxe lo lojyske iau ju'inai

mi'e la guskant jo'au zantufa xi papipavo