19062016, 18:08, <ilmen.pokebip@gmail.com>:
ni'o pu za lo djedi be li re la ŭakci di'e cusku
.i la .norman. pensi ze'a lo mulno cacra .i ca lau'u lo termakfa cu ba'o pinxe lo tcati patxylai .i lu nau ku ba zi ku mi xruti do lo ka na penmi mi .i .au pei li'u jai se pensi ty. fai lo ka se cusku .i zu'u nai lo cinri ka'e fasnu pe'i dai .i se ja'e ku ty. noi peicfu cisma je cu condi catlu ny. cu denpa za'o ~[to'i mi di'e stidi toi]
[to'i ba'e ny pensi toi]
.i la .nor. cu smusku lo nu ri djica lo nu ri jimpe lo se cukta be ru
[to'i .u'u mi si'onsi no zanmau
mi'e la .ilmen. mu'o toi][to'i .u'u cu'i da'oi ba'e ko .i mi zarcpa ta'o toi].i ny. ba zi lo nu menli casnu mulno cu cusku-- lu mi djica lo ka djuno mau'a smuni lo selcku be ti li'u je cu degja'o tau lo cizra cukta noi ki pu se kargau je ca kalri vreta .i-- lu djuno koi li'u makfa se cusku ty .i lo carmi mokca vorme cu tolcanci je cu sakci lo cukta ja'e lo nu canci fa lo re mei .i-- lu ue .u'e cai li'u se cusku ny .i ku'i ny. na djuno lo du lo cizmau ba zi fasnu .i lo vorme re re'u tolcanci je cu vofli muvdu lo molke'a pe ny .i ny co'a djuno lo so'i mei lo se cukta .i ny se spaji fi'o te banzu lo nu nonsanji binxo je ba zi bo cu farlu lo mudri loldini'o ny cikybi'o zai lo kumfa pe ba'e nai ny noi'a spaji .i ny cusku-- lu fe ma mi'o zvati li'u tai lo sipna be za'o .i spusku-- lu ti .i no da vajni tcila .i ku'i kosmu lo nunzva fa lo nu mi djica lo ka ciksi da poi vajni vau do li'u .i ny tinbe jundi tu'a di'e .i-- lu li'a lo terdi cu stuzi so'i palci .i ro tedypre cu palci ca lo nu ri jbena .i mi'a bende lo ka lebna lo ka palci li'u.i pe'a di'u kargau lo ny. kanla .i ty. noi selci'i lo nu pensi fa ny. cu sisti lo ka bacru kei je cu catlu ny. noi pensi lo da'i terspu ~