On Jul 3, 2016 12:06 AM, "selpahi" <seladwa@gmx.de> wrote:
>>
>> .i ny. ba zi lo nu menli casnu mulno cu cusku
>> -- lu mi djica lo ka djuno mau'a smuni lo selcku be ti li'u je cu
>> degja'o tau lo cizra cukta noi ki pu se kargau je ca kalri vreta .i
>> -- lu djuno koi li'u makfa se cusku ty .i lo carmi mokca vorme cu
>> tolcanci je cu sakci lo cukta ja'e lo nu canci fa lo re mei .i
>> -- lu ue .u'e cai li'u se cusku ny .i ku'i ny. na djuno lo du lo cizmau
>> ba zi fasnu .i lo vorme re re'u tolcanci je cu vofli muvdu lo molke'a pe
>> ny .i ny co'a djuno lo so'i mei lo se cukta .i ny se spaji fi'o te banzu
>> lo nu nonsanji binxo je ba zi bo cu farlu lo mudri loldi
>> ni'o ny cikybi'o zai lo kumfa pe ba'e nai ny noi'a spaji .i ny cusku
>> -- lu fe ma mi'o zvati li'u tai lo sipna be za'o .i spusku
>> -- lu ti .i no da vajni tcila .i ku'i kosmu lo nunzva fa lo nu mi djica
>> lo ka ciksi da poi vajni vau do li'u .i ny tinbe jundi tu'a di'e .i
>> -- lu li'a lo terdi cu stuzi so'i palci .i ro tedypre cu palci ca lo nu
>> ri jbena .i mi'a bende lo ka lebna lo ka palci li'u
>> .i pe'a di'u kargau lo ny. kanla .i ty. noi selci'i lo nu pensi
>> fa ny. cu sisti lo ka bacru kei je cu catlu ny. noi pensi lo da'i terspu ~
>
>
> [to'i cinri toi]
>
> .i la .norman. cu djica lo nu ri djuno lo du'u ta'i ja tai ma kau lebna lo ka palci .i djica lo nu je'urja'o .i nandu ny. fa lo ka krici kei to'e ki'u nai lo nu ny. je'a se cinri .i xu lo te makfa cu kakne lo ka .y zgagau la .norman. su'o mupli nuntigni
>
>
> ~~~mi'e la selpa'i
[to'i ki'e spuda toi]
i ku'i —sei pensysku— ti na fatci i ny na krici lo se xusra be ty je cu skuna
— lu mi birti lo du do jifsku i e'e sai ko jetnyja'o li'u
i ty flirymlu lo ka se vlagunta i ku'i na nabmi ty i spusku noi'a li'a tolcumla sinxa vau
— lu ju'o do jinvi lo du na sai fadni i pei fadni fa lo nu vofli i pei fadni fa lo nu ca zi ku mi jitro lo do flira sluji li'u
i ny manci zgana lo flira noi jarco lo vrici zu'e nai ny i
— lu au dai mi jetnyja'o ba'e ma i — sei sa'a lo voksa cu tcesuksa — lo po'o voi mi djica da'i lo ka go'i ki cu nu vimcu lo ca se vedli do li'u
i ca tau lo fanmo valsi so'u mei cu krixa noi'a spaji li'a i lo ny risna cu desku je cu jarco lo du ny tceterpa i
— lu ai mi dunda fi do fe lo ka zifre lo ka surla li'u cu se skuna ty noi tolplo lo xadni ne bu'u lo sfofa je cu denpa
ni'o ba za lo nungo'i ny randa skuna
— lu je'e i do jai drani li'u
i ty co'a zi geisni mutce i
— lu ui do zmadu ji'i 300 je so'a da lo ka trina i lo bi'u nai xo'e mei cu te vimcu lo se vedli i ku'i ba'e do jai banzu lo ka cmima mi'a je cu djuno za'u da lo cuntu be mi'a je ba bo a'o mi'o li'u
i ny sutra sanli je cu junri skuna
— [to'i skuna ba'e ma
i e'e do stidi lo selsku i e'e cai
mi'e la uakci toi]