Re: [lojban] lo tcidu bende pe la nicte cadzu — 74moi lo spisa

[selpahi <seladwa@gmx.de>]

ni'o ji'a le kumfa cu vasru vo serti .i lei vo serti cu kurfa gi'e fe'e 
ro roi lamji lo bitmu .i le kumfa cu vasru re bargu po'o .i se ki'u bo 
vy ga'u mo'i cadzu le serti .i bu'u le kojna le lamji serti cu salpo lo 
milxe cnita .i ku'i lo makfa cu rinka lo nu le girzu cu ga'u mo'i cadzu 
le lamji serti .i sy zgana lo du'u da cadzu ro le vi serti gi'e ku'i ro 
roi ga'u mo'i cadzu .i sy peisku lu .i ja mi'o pu kakne lo nu cadzu fa'a 
lo fatne .i se ki'u bo ro roi ni'a mo'i cadzu .i .oi li'u .i ba zi bo vy 
nergau le bargu

ni'o le cnino kumfa cu vasru so'o serti .e ku'i re bargu po'o .i ku'i sy 
zgana so'o cmalu kevna be lo bitmu .i se ki'u bo sy krici lo du'u le 
fekcrida na ca'o galfi le kumfa .i ji'a le kumfa cu vasru so'o tansi lo 
fagri .i fi'o cizra bo ro fagri cu flecu muvdu lo cnita .u'e lo tansi lo 
lamji be lo mlana be lo tansi .i vy cusku lu doi .susan. ti lenku fagri 
.i lo'e lenku fagri cu jacke'o li ni'u ji'i pa no no .i ko rivbi to vy 
denpa lo nu catlu le morna be lei serti .i ba bo vy di'a gidva toi .i mi 
ro roi djica lo nu dunda lo lenku fagri lo saske remna .i mu'i bo lo 
lenku fagri cu curve lo ka to'e se javni le re moi javni lo glare saske 
.i pi so'a roi marde saske cu nitcu le re moi javni po lo glare saske .i 
se ki'u bo mi krici lo du'u lo stedu be lo saske remna cu spoja pe'a 
ri'a lo nu catlu lo lenku fagri li'u

ni'o sy mutce ckire vy lo nu tavla .i le kumfa cu tcetce pluja .i se 
ri'a bo sy so'i roi lifri lo farlu je vofli se ganse .i lo nu jundi lo 
selsku cu sidju sy lo nu to'e jundi lo drata je cizra se ganse .i ba je 
fi'o spaji bo le girzu cu nergau lo no'e cizra kumfa to ku'i sy krici lo 
du'u le kumfa cu sraji salpo li ji'i so no lo bartu loldi toi

(to sa'a fanmo lo ckupau toi)

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.