Re: [lojban] lo lisri pe la .norman. zi'e pe lo si'o nunjikca lisri

[Bruno Panasiewicz <ciuak.prog@gmail.com>]

​[to'i coi ro do .i mi ca zifre lo ka so'i bu'a zo'i bu'a .i ja'o di'a favgau la normanlisri .i .a'o do se pluka​

ni'o la me zo'e ti stidi toi]

2016-07-10 14:34 Bruno Panasiewicz:

   i la norman ba lo nu ze'i pensi cu skuna
-- lu mi djica tau lo me do'o moi i mi no'e kanpe lo du lo nuncuxna cu se
jalge su'o vajni i ai mi to'e mu'i nai cuxna lo ci'irmaumlu li'u noi'a
pluka ty
   i ty jdice lo ka tinbe fi ny fe lo ka muvgau fi lo me ty moi i ty fi lo
cizra je voi ny to'e sai se slabu cu cupra lo makfa vorme je ba bo cu skuna
-- lu se'o lo munje pe lo se vorme be ti cu tcefrica i ku'i do pu skuna co
xusra lo ka kladji li'u je ba zi sai to na curmi lo nu ny pensi toi tsali
catke ny
   ni'o ny muvdu fo lo cizra kevlu'a noi selsfe lo sorska se mu'i lo nu
masno je cladu skuna
-- lu u~~~'e~~ tcefri~~~~~~~ca~ li'u
   i lo nu limna ja vofli ja sakli to no da djuno toi klama cu se fanmo lo
nu janli lo terdi i ny catlu lo terdi dertu i dy blabi i ny na jimpe fi lo
sruri be vo'a i se mu'i bo ny skuna
-- lu ti mo li'u i ty noi spaji tolcanci cu spuda fi
-- lu mi gleua li no i so'i vajrai cu denpa tau do li'u je cu degja'o lo
sinxa i ri te ciska lu

   i lo kampalci vi'ustu cu zunle
   i lo tedycu'u kamni cu pritu
   i lo pifstu cu crane

li'u i ty reisku
-- lu do djica tau ma doi zanvi'e li'u
   i ny manci lo ka jai se xu'asku fai lo ka zanvi'e i ku'i na denpa fi
lau'u i skuna

[to'i skuna ma i klama ma i ko jdice
mi'e la uakci mu'o toi]

ny. denpa lo nu lo gasru'e pe vo'a cu pruce fi su'o ka'e jai se jimpe kei, soi snidu li so'o .i ba bo, ri'a lo nu za'o cfipu sai fa lo se lifri, cu retsku lu «
- koi pei ca ba'e ti jdice .i vimcu mo'oi ka palci kei ja palci .i ma mu'a voi ro da ga nai ckaji ke'a gi pinfu .i ma cuntu lo bi'u nai kamni .i .i
» li'u, soi fanta fa lo nu ty. spusku ...

​-- lu mi na curmi lo nu do djuno du'e da poi'a tai sutra .i ku'i mi cu .ai jarco fi do fe lo pifstu li'u je cu smaji skuna pa uenzi be lo na slabu .i la ​ue dai .oi dai .norman. djica lo ka skuna ku je ku'i jai se bapli fai lo ka se moklu lo ganlo .i ty ba zi zo'e fanza skuna

-- lu coi no'e manku .i .o'u bu'o mi pu ro roi djica lo ka skuna fi do fe lo klamburi pe lo cmene be do .i xu lo do menli cu no'e manku .i mi senpi .i ti'e lo cmene cu smucau .i ca'e do mencau xa'a'a .i mancau .i mansau .i ju se manpau li'u -- .i ty zenba lo ka sutra co skuna kei ca zo'e .i ny tcesuksa zenba co cinmo lo ka fengu je ckeji be fi lo da'i zgana to zgana no zgana vau ku'i toi .i ty nalsti skuna -- lu mi sruma fi lo mukti be lo nu ba'e na tercme do zo .nolman .i sa'u nu do mabla xa'a'a xa'a xa'a li'u -- .i ca tu'a lo fanmo be lu bu lo cusku tadji ri'a lo nu cmila cu suksa taicne .i -- lu .u'i sai .i .ai sai mi skutigni ti ro mi pendo .i -- sei sa'a lo skutai cu ze'i binxo co tolgei pe'a -- lo mi pendo na se zdile da'i li'u

   .i ba la'e di'u la .norman. noi tcefengu cu fengu rinka skuna ...

[to'i ko .e'e sai stidi tu'a lo se skuna

.i mi carmi denpa .i .a'o lo nu ba'e do denpa cu na xlali

mi'e la uakci toi]

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.